Зошто американските евангелисти се против вакцините?
Дејвид Слоун
26 декември 2020
Среде пандемијата на коронавирусот евангелистичките лидери во САД помогнаа да се прошири недовербата кон јавното здравство и корона-вакцините.
Фотографија: Gary Rothstein/UPI Photo/newscom/picture alliance
Реклама
Во САД не се шири само коронавирусот туку и теориите на заговор. Многу христијани евангелисти – лабаво дефинирана група од воглавно конзервативни протестанти – се особено подложи на верување во митови поврзани со пандемија и вакцината против Ковид 19. Тоа особено важи за таканареченото десно крило на евангелистичка заедница. Гласините за злонамерна злоупотреба на вакцината и заверите се шират преку социјалните мрежи а ги промовираат и дел од црковните лидери.
„Тие се сомневаат дека коронавирусот воопшто постои и ја губат врската со реалноста,“ вели Марк Лабертон, претседател на евангелистичката висока школа Фулер, во Калифорнија.
Лобертон е од оние кои ги обвинуват десничарско настроените фундаментални свештеници дека шират неосновани теории со кои ги поттикнуваат своите верници ди ги игнорираат информациите и податоците од здравствените власти за пандемијата како и препораките на експертите за вакцинирање.
Некои од овие теории вклучуваат и тврдења дека вакцината е жиг на ѓаволот или пак дека жените ќе станат стерилни. Исто така сугерираат дека вирусот е само изговор за милијардерот Бил Гејтс кој на овој начин сака на луѓето да им вгради микрочипови. Други пак тврдат дека доктор Ентони Фаучи, шеф на Националниот институт за алергии и заразни болести, помогнал во планирањето на пандемијата исклучиво од лична корист. Дезинформациите се ширеа брзо, на пример со видеа насловени како „Пландемија“ а социјалните мрежи во меѓувреме се борат тоа да го спречат.
Свештеникот Тони Спел од црквата Храм на животот (Life Tabernacle Church) во Батон Руж во Лујзијана е познат по спротивставување на властите откако коронавирусот се појави во САД. Постојано оддржуваше црковни собири дури и во време кога официјално беа забранети – а исто така ги отфрлаше предупредувањето дека пандемијата е опасна.
„Ние сме против маски, против социјално дистанцирање и против вакцината,“ вели Спел за ДВ. Тој верува дека вакцината е политички мотивирана и дека на крајот ќе им наштети на луѓето. Сега кога вакцинацијата започна, Спел вели дека и понатаму ќе им зборува на своите следбеници да не ја примаат.
Фотографија: Jonathan Ernst/REUTERS
Недоверба во владата и елитите
Истражување на јавното мислење во јули годинава покажало дека околу 70 проценти од јавноста барем чула дека пандемијата ја планирале т.н.елити, а 36 проценти од анкетираните веруваат дека тоа е вистина.
Сомнежите во однос на вакцината против Ковид-19 се врвот на недоверба во науката, модерната медицина и она што се опишува како глобална елита, која меѓу христијанските конзервативци постои одамна и со децении е во пораст. Тоа е и основата за поголемото отфрлање вакцини кои со децении помагале речиси да се искоренат неколку сериозни болести, вклучително и сипаници и детска парализа.
„Нивното примарно објаснување е длабоката недоверба во владата“, вели Сем Пери, професор и стручњак за десничарски теории на заговор од Универзитетот Бејлор. „Постојат одредени делови од христијанската десница кои веруваат дека се дел од борбата меѓу доброто и злото”.
Стравот кој преовладува кај многу десничарски евангелисти е дека глобални лидери носат одлуки без Библијата и против волјата на христијанскиот Бог.
Фотографија: Evan Vucci/AP Photo/picture alliance
Влијанието на Трамп
Исклучок е претседателот Трамп кој имаше и се уште има силна поддршка меѓу евангелистите. За време на четири годишниот мандат меѓу белите евангелисти имаше поддршка од дури 78 насто, додека таа цифра на ниво на сите евангелисти беше 54 отсто.
Трамп чии поддржувачи главно го гледаат како аутсајдер во Вашингтон, својата платформа ја искористи за ширење лаги за коронавирусот. На почетокот корона вирусот го нарекуваше подметнување и беше недоследен во пораките за маските - како вербално, така и со постапките. Исто така понекогаш ја отфрлаше и смртоносноста на вирусот, зборувајќи дека брзо ќе го снема.
Трамп долго време беше скептик во однос на вакцините, иако се обиде да го сврти листот кога САД почнаа да одобруваат вакцина против Ковид-19. Исто така преку Твитер лажно тврдеше дека вакцините може да предизвикаат аутизам кај децата. Таквите лаги им дадоа поттик на теориите на заговор.
„Доналд Трамп не ги измисли, но драстично го убрза ширењето на таквите дезинформации. А, некои луѓе имаат предиспозиции да поверуваат”, вели Питер Винер, потпретседател и постар соработник во Центарот за етика и јавна политика на САД и поранешен автор на говорите на претседателот Џорџ Буш помладиот.
Фотографија: G. Ronald Lopez/ZUMAPRESS/picture alliance
Кампања меѓу „неверниците”
Водачите на евангелистите бараат решенија со цел да се сузбијат лажните информации во врска со пандемијата и вакцината.
Меѓу нив е и Френсис Колинс, долгогодишниот директор на Националниот институт за здравство. И самиот христијански верник, вели разговарал директно со верските лидери за да се разбие стравот од вакцината.
Кон крајот на август повеќе од 2700 христијански лидери потпишаа писмо составено од фондацијата „БиоЛогос”, луѓе блиски до Колинс, кои ја поддржуваат „науката во време на пандемија”. Во тоа писмо ги молат христијаните „да носат маска, да се вакцинираат и да корегираат погрешни информации”.
Доналд Трамп и другите познати личности кои се заразија со коронавирусот
По објавата дека тој и сопругата се заразени со Ковид-19, Доналд и Меланија Трамп дефинитивно ја предводат листата на познати личности кои досега се инфицираа со коронавирусот.
Фотографија: Doug Mills/CNP/picture-alliance
Коронавирусот и во Белата куќа
Хоуп Хикс, блиска соработничка на претседателот на САД, се заразила од коронавирусот - и потоа ги инфицирала Доналд Трамп и Првата дама, Меланија. Среде предизборна кампања, актуелниот претседател сега е во „самоизолација“. Желби за брзо оздравување на Трамп и на неговата сопруга пристигнаа од целиот свет.
Фотографија: Andrew Caballerro-Reynolds/AFP/Getty Images
Силвио Берлускони
83-годишниот поранешен италијански премиер, инфициран со коронавирус на почеток на септември заврши во болница со воспаление на белите дробови, таму помина десетина дена. Две од децата, како и неговата 30-годишна пријателка, беа исто така позитивни на Ковид-19. Кај екс-премиерот бил утврден вирусот по враќањето од брегот на Сардинија, каде летуваат италијанските богаташи и познати личности.
Фотографија: picture-alliance/dpa/D. Vojinovic
Роберт Патисон
34-годишниот глумец, познат првенствено по улогата на романтичниот вампир Едвард Кален, е позитивен на тест за Ковид-19, па од таа причина по само неколку дена од повторниот почеток, е прекинато снимањето на неговиот филм Бетмен. Патисон, кој се појавуваше и во филмовите за Хари Потер, ја презеде улогата на Бетмен откако лани се повлече Бен Афлек.
Поранешниот борачот кој стана филмска ѕвезда, е еден од најновите познати личности на А-листата на заразени со Ковид-19. На видео објавено на Инстаграм тој откри дека тој, сопругата и двете деца се позитивни на тест, додавајќи дека со тоа доживеал тежок удар. Џонсон упати повик до луѓето да не ја политизираат пандемијата и да носат заштитни маски.
Бразилската фудбалска икона е еден од тројцата играчи на ФК Париз Сен Жермен кои се заразиле со коронавирус. Инфицирањето на играчите во клубот се поврзува со патувањето на одмор на тимот на шпанскиот остров Ибица. Нејмар подоцна на Инстаграм објави фотографија со синот, според извештаите исто позитивен на тест, со коментар: „Благодарам за пораките, нам на сите ни е добро!“
Фотографија: Getty Images/AFP/D. Ramos
Усеин Болт
Атлетичарската легенда Усеин Болт бил тестиран за позитивен на коронавирус неколку дена по забавата по повод неговиот 34-ти роденден. Рекордерот во трчање на 100 и 200 метри изјави дека се наоѓа во карантин, но нема симптоми. Видео снимки од роденденската прослава на отворено покажуваат дека гостите не носеле маски.
Фотографија: Reuters/M. Childs
Антонио Бандерас
Шпанскиот актер на средината на август доживеа непријатно изненадување на својот 60-ти роденден, откако му е потврдено присуство на коронавирусот. Бандерас изјави дека роденденот го поминал во изолација, дека е „поуморен од обично“, но „во надеж дека ќе се оправи што поскоро.“
Фотографија: picture-alliance/Captital Pictures
Жаир Болсонаро
Бразилскиот претседател, кој постојано ја минимизираше пандемијата, се инфицирал со вирусот во јули. Експертите го критикуваа што и пред и по дијагнозата ги игнорираше препорачаните мерки на претпазливост, се ракуваше и прегрнуваше со луѓето. Неговата сопруга и синовите исто така беа позитивни на тестот.
Фотографија: picture-alliance/dpa/E. Peres
Том Хенкс
Глумецот Том Хенкс и сопругата, актерката и пејачка Рита Вилсон, се меѓу првите проминентни личности кои објавија дека се инфицирале со вирусот. Двојката позитивниот тест го добила на почетокот на март во Австралија. По заздравувањето и враќањето во САД, Хенкс се ангажираше луѓето да се придржуваат на мерките за спречување на ширењето на болеста.
Сопругата на канадскиот премиер Џастин Трудо, била тестирана позитивно на коронавирус по враќање од Обединетото британско кралство во средината на мај. Нејзиниот сопруг објави дека по дијагнозата, тој и самиот заминал во домашна изолација.
Фотографија: Reuters/P. Doyle
Борис Џонсон
На крајот на март од Ковид-19 заболе британскиот премиер Борис Џонсон, кој потоа помина повеќе дена во болница во Лондон. Три дена беше преместен во станица за интензивна нега, каде добивал кислород и бил постојано набљудуван. На средината на април беше отпуштен од лекување во болницата, по што му се заблагодари на болничкиот персонал што му го спасил животот.
Фотографија: picture-alliance/AP Photo/S. Dawson
11 фотографии1 | 11
„Во текот на летото видовме дека кружат сѐ повеќе теории на заговор и сакавме да покажеме дека постојат членови на христијанската заедница кои ги поддржуваат мерките на здравствените власти”, вели Дебора Харзма, претседателка на „БиоЛогос” за ДВ.
САД неодамна одобрија вакцина против корона и почнаа со вакцинација. Во тек е транзиција на власта меѓу Трамп и новоизбраниот претседател Џо Бајден, кој е католик. Тимот на Бајден е пред тешка задача да помогне во отстранување на дезинформациите, чие ширење го потпомагаше претходната администрација, или во најмала рака не успеа да го спречи.
Кои се избраниците за новиот кабинет на Џо Бајден?
Избраниот претседател на САД Џо Бајден почна да го екипира својот кабинет подготвувајќи се за влез во Белата куќа. Многумина од неговите кандидати беа во администрацијата на Барак Обама, а изборот го потврдува Сенатот.
Фотографија: Mike Coppola/Getty Images
Ентони Блинкен, министер за надворешни работи
Блинкен е долгогодишен близок соработник на новоизбраниот претседател Џо Бајден. Тој работел во администрацијата на двајца демократски претседатели и бил истакнат советник во Комисијата за надворешни работи на Сенатот. Извршувал и функција заменик – национален советник за безбедност, како и заменик државен секретар во втората влада на Обама, кога Бајден беше вицепретседател.
Фотографија: Mike Coppola/Getty Images
Џон Кери, специјален претседателски пратеник за клима
Поранешниот министер за надворешни работи ќе биде специјален претставник на Бајден за прашања поврзани со климата. Кери од 1983 до 2013 година беше сенатор во Масачусец, пред да ја преземе највисоката функција во надворешната дипломатија во втората влада на Обама. Кери во името на САД во 2015 година го потпиша Парискиот договор за климата, а две години подоцна Трамп ја повлече земјата од него.
Фотографија: picture-alliance/dpa/B. Pedersen
Линда Томас-Гринфилд, амбасадор на САД во ОН
Линда Томас-Гринфилд од 2013 до 2017 година беше на важни позиции во Министерството за надворешни работи. За време на епидемијата на ебола, таа ја раководеше американската политика во Африка јужно од Сахара. Бајден планира да ѝ ја довери важната функција за Белата куќа, амбасадор во ОН.
Фотографија: DW/S. Broll
Алехандро Мајоркас, министер за внатрешна безбедност
Адвокатот со кубанско потекло за време на претседателот Обама беше заменик-шеф за внатрешна безбедност и раководеше со реализација на програмата ДАЦА, која на т.н. „сонувачи“, како деца илегално донесени во САД, им овозможуваше останување во земјата. Доколку биде потврден неговиот избор, тој би бил прв доселеник и латино кој ќе го води секторот за внатрешна безбедност.
Фотографија: Thilo Rückeis/picture-alliance
Џејк Саливан, советник за национална безбедност
Саливан од 2013 до 2014 беше советник на Џо Бајден за национална безбедност, додека тој беше потпретседател. Тој беше и заменик на Хилари Клинтон на функцијата министер за надворешни работи. Подоцна Саливан беше нејзин највисок советник за надворешнополитички прашања за време на нејзината претседателска кандидатура во 2016 година.
Фотографија: picture-alliance/AP Photo
Аврил Хаинс, директор за национално разузнавање
Хаинс беше прва жена заменик директор на ЦИА, во периодот од 2013 до 2015 година. Таа го наследи Ентони Блинкен на позицијата заменик-советник за национална безбедност кога тој во 2015 година замина во Министерството за надворешни работи. Ако се потврди нејзиниот избор, таа ќе биде прва жена која ќе раководи со американските тајни служби.