Сојузна Република Германија повторно ќе биде измерена- прецизно до милиметар. Властите сакаат да користат поточни податоци за истражување на климатските промени и автономното возење.
Фотографија: Fotolia/Gordon Bussiek
Реклама
Летово Германија ќе биде повторно измерена. „Инзворедна акција“, вели Андре Зиланд од Државниот завод за геоинфорамции и геодетски работи во Долна Санкцонија во интервјуто за порталот на јавниот сервис. Тоа е работа која мора да биде многу прецизно извршена.
Од 7 јуни до 15 јули, основните геодетски податоци ќе бидат обновени за цела Сојузна Република Германија. Тоа значи дека од брегот до Алпите, геодетски тимови ќе ги проверат пложбата и висината на 250 мерни места во Германија. Нивната мисија е да ги одредат сите нови координати - до милиметар.
Сателити - навигација
05:12
This browser does not support the video element.
Точност до „големина на семе од синап“
35 сојузни и покраински истражувачки тимови се опремени со најсовремена опрема. Сите мерења се вршат со помош на сателити. Се користат три сателитски навигациски системи: американскиот ГПС, рускиот ГЛОНАСС и европскиот Галилео. Се работи и дење и ноќе.
Податоците потоа ќе ги обработи Сојузниот завод за картографија и геодезија во Франкфурт на Мајна и Покраинскиот завод на Долна Сакасонија.
„Мерењата траат 24 часа“, објаснува Зиланд и вели оти затоа резултатот е многу прецизен, со отстапка од само околу 2 или 3 милиметри. „Тоа е речиси големина на зрно од синап.“
Таканаречената основна мрежа на мерни точки е создадена во 2008 година и сега треба да се ажурира. Потоа новите податоци ќе се споредат со оние од пред 13 години.
Фотографија: picture-alliance/dpa/WSA/C. Wolff
Ќе профитираат заштитата на крајбрежјето и климатските истражувања
Според Зиланд, геолозите, меѓу другото, ќе разгледаат дали имало поместување на почвата. Се верува дека Германија тоне кон брегот и се подигнува на планините. Ова може да се докаже со мерења.
Податоците од повторното мерење потоа може да се користат, на пример, за заштита на крајбрежјето, но исто така и за истражување за автономно возење и климатски промени.
Топлотен бран во западна Европа: Последица на климатските промени?
Германија и западна Европа се погодени од топлотен бран со високи температури. Некогаш невообичаени, ваквите топлотни бранови и други екстремни појави станаа редовни. Како климатските промени се одразуваат во Европа?
Фотографија: picture-alliance/S. Ziese
Рекордни топлотни бранови
Во летото 2019 година се забележани топлински рекорди низ целиот европски континент. Во јули, во Германија беше измерена највисоката температура досега од 42,6 Целзиусови степени. Франција го урна својот рекорд на горештина двапати во 2019 година, со највисока измерена температура од 46 Целзиусови степени во јули. Климатските промени ја зголемуваат фрекфенцијата на топлотните бранови.
Во ноември 2019 година, италијанскиот град архипелаг Венеција доживеа повеќе поплавувања и високо ниво на водата од 1,5 метри, кое беше достигнато трипати во една недела, за прв пат во историјата. Прогнозираното покачување на нивото на морето како резултат на климатските промени може во иднина да ги направи овие настани уште почести.
Фотографија: Getty Images/AFP/M. Medina
Шумски пожари во Шпанија
Истиот топлотен бран што донесе рекордни температури во Франција ги предизвика најлошите шумски пожари кои ја погодија Шпанија во последните 20 години. На шпанскиот остров Гран Канарија, пожарите во август го уништија националниот парк на популарниот туристички остров. Повисоките температури и сувиот воздух како резултат на климатските промени го зголемуваат ризикот од пожари.
Фотографија: Reuters/B. Suarez
Германските шуми изумираат
Комбинацијата од суша, невреме и екстремна топлина ги осиромашува германските шуми. Според БДФ, група за заштита на шумите, во Германија, повеќе од 1 милион дрва умреле од 2018 година. „Ова веќе не се поединечни невообичаени временски настани. Ова се климатските промени“, вели претставник на БДФ.
Фотографија: picture-alliance/dpa/T. Frey
Исчезнуваат глечерите на Алпите
Глечерот на италијанската страна на Мон Блан доживеа забрзано топење во 2019 година. И ентузијастите одржаа „погреб“ за глечерот Пизол на швајцарските Алпи, кој речиси целосно исчезна. Научниците велат дека климатските промени го забрзуваат топењето на глечерите на Алпите.
Фотографија: AFP/F. Coffrini
Сушата влијае врз производството на храна
Сушата во Германија две години по ред силно ги погоди земјоделците. Во 2018 година, рекордната суша предизвика големи загуби кај земјоделските култури, а топлотните бранови во 2019 година, дополнително ги оштетија земјоделските култури. „Климатските промени значат почести суши и екстремни временски услови во Германија“, изјави потпретседателот на германската служба за временски услови Паул Бекер.