Шефот на српската дипломатија Ивица Дачиќ денеска остро ги критикуваше земјите кои се противат на нова промена на границите на Балканот. Дачиќ е особено лут на Македонија
Оние кои се противат на промена на границите на Балканот се лицемери, порача денеска од Белград, министерот за надворешни работи на Србија, Ивица Дачиќ, апострофирајќи ја во тој контекст Македонија. Тој одржа заедничка прес-конференција со портпаролката на руското министерство за надворешни работи Марија Захарова на која главни теми беа иднината на Косово и преговорите за статусот со Србија.
Според Дачиќ, предлогот за разграничување со Косово е одраз на желбата да се пронајде компромисно решение за Косово и истото не треба да се толкува како слабост. Оние кои се против таквото решение се лицемери, рече првиот српски дипломат.
„Како не им е срам да говорат дека нема промена на границите, оние кои не бомбардираа за да ги урнат нашите граници? Како не ви е срам, лицемери? Тоа важи и за Македонија која ја призна независноста на Косово и вели дека сега нема промена на границите“, рече Дачиќ.
Идејата за размена на територии меѓу Србија и Косово особено се актуелизираше во последните недели откако истата јавно ја поддржаа и српскиот и косовскиот претседател Александар Вучиќ и Хашим Тачи. Засега е нејасно што точно размислуваат Белград и Приштина, но функционерите од двете држави често пати ги споменуваат северот на Косово и делот околу Прешево во Србија како можни региони кои би влегле во разговорите за „корекција на границите“.
„Пандорината кутија е отворена“, рече денеска Дачиќ порачувајќи им на оние „кои мислат дека Србија е слаба, да не си играат со нервите на Србија“.
На прашањето дали Русија ќе има проблем со промена на границите на Балканот, Захарова рече дека тоа прашање е „повеќе за Србија и српските државјани“ и дека Русија останува доследна на својот став, кој, како што рече, не е „теоретски“ туку „практичен и заснован врз меѓународното право“.
Србија и Косово: 15 погледи на „внатрешниот дијалог“
Уставот на Србија вели: „Покраината Косово и Метохија е составен дел на територијата на Србија...“ Уставната рамка главно ја игнорира политичката стварност. Уличните призори зборуваат за расположението во земјата.
Фотографија: DW/D. Dedovic
Српскиот „ѕид на плачот“
Српските граѓани веќе навикнаа на тоа зградата на парламентот да се порабува со лица на загинати и грабнати луѓе во „Вториот косовски бој“. Овој жичен ѕид е отстрануван повеќепати, но тој повторно се појавува како обвинување на сметка на Западот и албанските герилци.
Фотографија: DW/D. Dedovic
Лицата обвинуваат
Лицата на киднапирани Срби од 1989/1999 година служат како главен аргумент за обвинувања на сметка на Северноатлантскиот Сојуз и Европската Унија.
Фотографија: DW/D. Dedovic
Меѓу Косово и Крим
Моден детал со политички некоректна русофилска формула на белградската пешачка зона. Туристите од Запад радо го купуваат бизарниот сувенир.
Фотографија: DW/D. Dedovic
Руска алтернатива
Борис Тадиќ во предизборната кампања во 2008 година го ифрли слоганот „И Косово и Европа“. Овој графит одговара на очекуван начин.
Фотографија: DW/D. Dedovic
Таблоидите србуваат
Острите политички пароли на ѕидовите можеби станаа поретки затоа што сѐ повеќе врескаат насловите на таблоидните печатени производи.
Фотографија: DW/D. Dedovic
Браќата Шпанци
Шпанскиот е популарен во Белград. Не толку во училиштата за странски јазици, колку во „Немањина“ улица, во близина на Министерството за надворешни работи.
Фотографија: DW/D. Dedovic
Срце и аритмии
Додека еден белграѓанин се обидува да пронајде нешто корисно во отпадот, од ѕидот го бодри позната крилатица.
Фотографија: DW/D. Dedovic
Кој не е со нас е против нас
Фудбалскиот сојуз на Србија попусто се бунеше против одлуката на УЕФА од мај 2016-та за прием на Косово како полноправна членка. Одлуката е конечна од почетокот на 2017-та.
Фотографија: DW/D. Dedovic
ЕУ како империја
Космет всушност е кратенка (Косово и Метохија). Во зборот „Евробска“ се сокрила придавката „робска“.
Фотографија: DW/D. Dedovic
Вдахновение во премин
Плод на патриотско-поетско вдахновение на ѕидот на премин меѓу главната и една споредна улица во Лексовац.
Фотографија: DW/D. Dedovic
На КиМ со благослов
Дел од уличните призори во градовите се и повиците за обиколка на манастирите и на српските општини на Косово, со благослов на црковните власти.
Фотографија: DW/D. Dedovic
Римување, некому стравување
Опомена за српската политичка елита, доколку некој случајно помислува на некаков вид признавање на косовската независност.
Фотографија: DW/D. Dedovic
Урнатини кои опоменуваат
Своевиден споменик кој со својата наказност во градскиот пејсаж потсетува на бомбите кои во 1999 година ги испрати НАТО.
Фотографија: DW/D. Dedovic
Албанци кои се сакаат
Актерската легенда Беким Фехиу од 2010 година (кога си го одзеде животот) не е меѓу живите белграѓани, но неговата книга и натаму е хит во излозите на белградските книжарници.
Фотографија: DW/D. Dedovic
Трунка надеж
Повеќето графити на улиците сепак се тематски надвор од „внатрешниот дијалог“. Можеби најрадикалните пароли се преселени на социјалните мрежи.
