Изборите нема да имаат реперкусии врз Косово
21 јануари 2008![](https://static.dw.com/image/3059981_800.webp)
Портпаролот на претседателот на Косово Фатмир Сејдиу, Фатмир Беќири со коментар:
„Како што знаете граѓаните и институциите на Косово многупати досега ја потврдија својата волја за независно Косово. За среќа сега и меѓународната заедница ја поддржува таа опција, како единствено стабилно и долгорочно решение што ќе доснесе мир и стабилност во регионот„.
Резултатите од изборите се очекувани, вели аналитичарот Илир Дуголи. Според неговите зборови, во вториот круг како и на претходните избори, ќе победи актуелниот претседател Борис Тадиќ:
„Причините поради кои не гледам никакви реперкусии за Косово се во фактот што Тадиќ досега се покажа како нерешителен и неспособен за своите ставови да ги придобие другите. Од името на националното единство, тој своите позиции постојано му ги препушташе на премиерот Восилав Коштуница кој денес е главниот политички актер во Србија„.
За Оливер Ивановиќ, политички лидер на Србите на Косово, големиот одзив на изборите во Србија е изненадување. Според него, ако таквиот одзив се повтори и во вториот круг, лесно може да се случи да победи кандидатот на радикалите Томислав Николиќ:
„Во секој случај, целиот регион треба да покаже интерес за изборите во Србија, што всушност и се случува. Со Тадиќ е јасна и сигурна европската перспектива, а со него е јасно и сигурно решавањето на косовскиот проблем. Во спротивно, страхувам дека веднаш ќе настапи криза и ќе биде отворено прашањето на Република Српска„, смета Ивановиќ.