Носењето маска се препорачува како заштита од ширењето на коронавирусот. Но, има гласини дека тоа може да има здравствени последици. Колку се тие вистинити?
Фотографија: Getty Images/S. Gallup
Реклама
На социјалните мрежи се среќаваат тврдења дека поради тоа што воздухот кога се носи маска не може да се испушти како што треба, се зголемува уделот на јаглерод диоксид (CO2) во крвта. Тоа, како што се вели, е особено опасно за малите деца.
Тоа не е точно. Берлинскиот лекар и портпарол на сојузот на педијатри БВКЈ, Јаков Маске, вели дека маски од штоф можат да носат сите, па и децата. „Тоа воопшто не претставува проблем“, нагласува тој и додава: „CО2 е гас и не се заглавува на штофот.“ Штофот не е непропустлива пластика.
Меѓутоа, педијатарот не советува децата да носат комплетно затворени покривки на лицето, како што се маските за заштита од прашина кои може да се најдат во продавниците за алати и градежни материјали.
Исто така треба да се внимава на возраста на децата. „Дете помладо од две години тешко може да носи маска“, вели педијатарот Улрих Фегелер. „Ако детските игралишта повторно се отворат, заштитата на устата крие опасност маската некаде да се закачи.“
Фотографија: picture-alliance/Zumapress/K. Tsuji
Доколку маските се од сопствено производство, треба да се внимава за таа цел да не се употребуваат кеси за правосмукалка, зашто тие, како што се вели од дрогеријата ДМ, често содржат ситен антибактериски прав. Негово вдишување е „опасно како за белите дробови, така и за органите за варење“.
Маска која е прилепена за лицето служи за заштита од капките кои се испуштаат при зборување и преку кои се пренесува вирусот Sars-CoV-2. Но, Фегелер додава и дека не треба да се заборава оти маската служи само како дополнителна мерка на заштита.
Од Азија кон Европа: Походот на заштитните маски против коронавирус
Прво важеа за неефикасни и збунувачки, но се‘ повеќе земји во меѓувреме воведуваат правило за носење заштитни маски против ширењето на коронавирусот. За победоносниот поход на маските, започнат во Азија.
Фотографија: picture-alliance/dpa/U. Zucchi
Ракавици, мобилен телефон, заштитна маска
Дали и во Германија ќе се воведе обврска за носење заштитна маска? По консеквентната употреба во Азија, институтот Роберт Кох препорача нејзино носење и во Германија. Јена е првиот град кој ја водведе оваа мерка, од 6 април во супермаркетите и јавниот сообраќај таму таа е задолжителна. Како заштита се прифаќа и шал или марамче на устата.
Фотографија: Imago Images/Sven Simon/F. Hoermann
Подарок за пожарникарите
Со оглед на големиот недостиг на заштитни маски, луѓето и институциите се снаоѓаат и сами. На Јутјуб и на Твитер под хаштагот „maskeauf“ многумина демонстрираат колку е едноставно да се изработи маска. Меѓу нив е и професионалната шивачка од Државниот театар Котбус, Керстин Бохов. Маските кои ги изработува оваа костимографка се наменети за пожарникарската служба и за Црвениот крст во Германија.
Фотографија: picture-alliance/dpa/P. Pleul
Плетени маски
Уметничката Манша Фридрих плете маски за заштита од коронавирус. Нејзините маски се украсени со мотиви на насмеани лица, животни, сонце. Внатрешната страна на маските може да се менува. Уметничката од Хановер не дозволува корона-кризата да ѝ го расипе расположението.
Чешка и Словачка се отидени чекор понапред, таму уште на средината на март е воведена обврска за носење заштитни маски. Оној кој влегува во супермаркет или градски превоз, мора да носи маска. Словачката претседателка Зузана Чапутова и премиерот Игор Матович предничат со добар пример. И Австрија во меѓувреме воведе обврска за носење маски во супермаркет.
Фотографија: Reuters/M. Svitok
Будење на пролетта во Кина
Во Кина заштитните маски одамна се задолжителни за граѓаните. Оваа двојка, без оглед на кризата со коронавирус и ригидните контроли, не сака да се откаже од романтика. Двајцата занесено танцуваат на пролетното сонце и сигурно забораваат на сите останати околу себе.
Фотографија: AFP
Израел не дозволува исклучоци
И во Израел во сила се драстични ограничувања на движењето, кои ги воведе премиерот Бенјамин Нетанјаху, а се контролирани од полицијата и од војската. Кон нив мора да се придржуваат и ортодоксните Евреи. Во квартот Меа Шерим во Ерусалим, еден вооружен полицаец му наложува на својот ултраортодоксен сограѓанин да се прибере дома.
Фотографија: picture-lliance/dpa/I. Yefimovich
Уметност во Појасот Газа
Во густо населениот Појас Газа, уметниците се обидуваат да ги мотивираат граѓаните. Во квартот Шујаија, тие украсуваат заштитни маски со различни мотиви. Владата во Појасот Газа воведе ограничување за движењето на населението и забрана за одржување на сите манифестации. И т.н. „Марш на враќањето“, кој секоја година преку масовни протести се одржува на границата кон Израел, годинава е откажан.
Фотографија: Imago Images/ZUMA Wire/A. Hasaballah
Колумбиски „силници“
Во Колумбија на маските доминираат драстични и впечатливи мотиви. Вилиците на маските на двајцата полицајци се чини се инспирирани од колосот Хулк. Хулк е главната фигура во стрипот на Стен Ли и Џек Кирби, објавен во 1962 година. Приказната за неверојатниот Хулк е адаптирана во бројни филмови и серии.
Фотографија: AFP/L. Robayo
Макрон ќе се справува со недостигот од маски
Францускиот претседател посети фабрика за производство на заштитна облека и маски во Сент-Бартоломи д‘Анжу. Стотици лекари ја критикуваат владата што не набави доволни количини заштитна облека во време на епидемијата на коронавирус, но многумина од нив сепак работат, дури и без заштита. Емануел Макрон планира потребата од заштитна опрема да ја покрие со домашно производство до крајот на годинава.
