Израел лут на Русија: „Хитлер не бил Евреин“
2 мај 2022![Русија Сергеј Лавров](https://static.dw.com/image/61657292_800.webp)
Израел ги осуди изјавите на рускиот министер за надворешни работи Сергеј Лавров во кои тој имплицираше дека нацистичкиот лидер Адолф Хитлер можеби имал еврејско потекло.
Во интервју за италијански медиум во неделата, Лавров ги коментираше аргументите на украинскиот претседател Володимир Зеленскиј дека режимот во Украина не може да биде нацистички, како што тврди Русија, кога тој самиот е Евреин.
„Можеби грешам, но и Хитлер имал еврејска крв“, рече Лавров.
Израелскиот министер за надворешни работи Лапид ги осуди ваквите изјави на Лавров.
„Изјавите на министерот Лавров се непростливи и срамни, како и ужасна историска грешка“, рече Лапид.
„Евреите не се убиваа самите во Холокаустот. Најниското ниво на расизам против Евреите е да ги обвинувате самите Евреи за антисемитизам“.
- Пропагандата на Русија: Методот „Рашизам“
Рускиот амбасадор во Тел Авив бил повикан на разговор за да ги објасни ваквите ставови на Лавров.
Во говор пред израелскиот парламент на крајот на март, Зеленски го повика Израел „да избере“ кого ќе поддржи и да и испрати оружје на Украина. Израел досега одбиваше да ја снабди Украина со оружје во војната.