Неколку часа претходно од палестинската автономна област беа испукани две ракети врз Тел Авив. Палестинските организации Исламски Џихад и Хамас негираат поврзаност со ракетниот напад.
Фотографија: Reuters/M. Salem
Реклама
Израелски борбени авиони рано утринава нападнаа речиси 100 цели во појасот Газа, откако синоќа беа испукани две ракети на Тел Авив, првпат од војната во 2014 година на оваа палестинска територија.
Израелската војска соопшти дека е активиран противракетниот систем „Железна купола“ и верува оти ракетите паднале на отворено подрачје, бидејќи нема штети и повредени.
Утринава е соопштено дека се нападнати „терористички цели“, вклучувајќи го и штабот на Хамас во Газа Сити, подземен објект, неколку воени пунктови и центар кој се користи за програма на беспилотни летала на Хамас, пренесоа израелските медиуми.
Експлозиите биле толку силни што можел да се види чад на одалеченост од 25 километри, наведе АП.
Фотографија: picture-alliance/AP Photo/A. Hana
Палестинските медуми јавија оти се нападнати и поморски бази кои му припаѓаат на Хамас. Министерството за здравство во Газа соопшти дека еден маж и една жена се ранети во Рафа, кога нивната куќа се нашла на удар. Извештаи за други повреди нема.
Во меѓувреме се огласиле сирените за воздушна одбрана на југот на Израел кај границата со Газа, но војската соопшти оти ракетата која тоа го предизвикала паднала на палестинска територија. Набрзо потоа повторно се огласиле сирени кога две ракети се испалени од Газа, едната е пресретната, а извештаи за повреди и штети нема.
Синоќа се активираа сирени ширум Тел Авив, 80 километри одалечен од Газа. Иако во нападот нема штети и повредени се смета дека тоа е голема ескалација и се очекувал остар израелски одговор.
Израелските населби на палестински територии
И покрај протестите и политичките предупредувања, израелскиот парламент донесе закон со кој се легализираат илегалните населби на палестинските територии. Критичарите велат дека тоа значи крај на решението „две држави“.
Фотографија: Reuters/B. Ratner
На палестинските територии има повеќе од 200 населби
Според податоците на организацијата за човекови права Бетселем, на Западниот брег и во Источен Ерусалим од 1967 до средината на 2013 година се изградени 125 официјални израелски населби и околу сто „диви населби“. Израелските власти, според Канцеларијата на ОН за хуманитарна помош (ОЦХА), за изградба на населби на палестински територии заплениле 35 проценти од површината на Источен Ерусалим.
Фотографија: Reuters/B. Ratner
Нема шанса за мир?
Во моментов еврејска населба се гради во Хар Хома, на Западниот брег, меѓу Ерусалим и Витлеем. Водечки претставници на Палестинците оценуваат дека израелската политика за градење населби го уништува решението „две држави“ и го спречува мирот со Палестинците. Изградбата на населбите на палестински територии е критикувана и во меѓународни рамки.
Фотографија: picture alliance/newscom/D. Hill
Израел конфискува палестински приватни имоти
Новиот закон за ретроактивно легализирање на станови на доселеници на Западниот брег и во Источен Ерусалим е спорен. Со него се погодени 16 населби. За еврејските доселеници да можат да останат каде што се, предвидена е финансиска отштета за Палестинците кои се сопственици на земјиштето.
Фотографија: Reuters/A. Awad
Уривање на Амона
Новиот израелски закон не важи за куќите на доселениците за кои веќе има судска одлука за уривање. Партијата на доселениците имаше намера со законот да спречи принудно расчистување на населбата Амона. Сепак, куќите на 40 семејства беа испразнети минатата недела, а само четири дена потоа се почна со уривање.
Фотографија: Getty Images/AFP/T. Coex
Барикади и безредија
Одлуката на израелскиот Врховен суд за уривање на Амона беше донесена уште на крајот на 2014 година. Рокот беше повеќепати одлаган. Десните групи и доселениците до крај се обидуваа да спречат евакуација и уништување на местото. Многумина доаѓаа од други места специјално за да демонстрираат. И на спротивната страна имаше насилни протести на Палестинците.
Фотографија: Reuters/M. Torokman
Ескалација при принудното иселување
Жителите на Амона веруваат дека Западниот брег, окупиран од страна на Израел од 1967 година, е дел од територијата која Бог во Библијата му ја наменил на еврејскиот народ. На Западниот брег и во Источен Ерусалим живеат околу 600.000 Израелци. Меѓу доселениците и Палестинците постојано има судири.
Фотографија: Reuters/M. Torokman
Нов дом
На приватни имоти на Палестинци спротивно на законот се изградени околу 4000 станови. Тие треба или да бидат испразнети, или со новиот закон треба да бидат ретроактивно легализирани. Многу од жителите на Амона имаат нов дом во соседните населби, како овде, во Офра.
Фотографија: Reuters/B. Ratner
Принудно иселување во Офра
Но и во Офра има нелегални куќи. До 5 март тука треба да бидат испразнети девет куќи кои се изградени на приватен имот на Палестинци. Куќата мора да ја напушти и семејството Бен Шушан.
