Израел наскоро ќе ослободи 250 Палестинци, членови на движењето Фатах на Претседателот Махмуд Абас. Ова го најави израелската министерка за надворешни работи Ципи Ливни за време на посетата на Франција. Нејзиниот домаќин, шефот на француската дипломатија Бернар Кушнер побара натамошни ослободувања на заробени Палестинци, како и побрзо подобрување на животните услови за целото палестинско население.