Израелскиот премиер Ехуд Олмерт ги отфрли шпекулациите дека неговата земја се подготвува за војна против Сирија. Израел сака да живее во мир со Сирија, порача Олмерт по седница на владиниот кабинет за безбедност. Оваа порака е упатена до Владата во Дамаск по повеќе канали, нагласи Олмерт. Намера на израелската влада е да се одбегнат сите можни недоразбирања, што би можеле да предизвикаат влошување на состојбата. Повод за демантот беа информациите дека Сирија собира оружје и трупи во пограничниот регион и дека Израел возвраќа со подготовки.