Една недела пред планираната блискоисточна конференција во Мериленд, израелскиот премиер Ехуд Олмерт најави запирање на изградбата на еврејските населби на западниот брег. На состанок на владиниот кабинет тој нагласи дека ќе бидат отстранети и сите илегални населби. На овој начин Израел сака да го исполни еден од клучмните услови од таканаречениот мировен план. Владиниот кабинет инаку донесе одлука за ослободување и на околу 450 палестински затвореници.