Германското јавно обвинителство оценува дека безбедносната состојбата во земјата и натаму е стабилна и непроменета, и покрај нападот врз автобусот на американската армија на аеродромот во Франкфурт. Заменикот-јавен обвинител Рајнер Грисбаум изјави дека оваа проценка произлегува од фактот дека осомничениот сторител е изолиран поединец, кој бил под исламистичко влијание.

Според досегашната истрага, нема индициии дека 21-годишниот Косовар Арид У. припаѓал кон терористичко здружение. Мотивот за неговото дело било американското присуство во Авганистан. Осомничениот изјавил дека на делотот го поттикнал филм на кој биле прикажни наводни злодела на американските војници во Авганистан. Грисбаум ја толкуваше оваа изјава како доказ, какво влијание може да се развие преку исламистичката пропаганда на интернет.

Осомничениот Арид У. од Косово со место на живеење во Франкфурт, во средата попладне на аеродромот во Франкфурт уби двајца американски војници а двајца тешко повреди.

Автор: АТ/ЖА/дпа/афп/дпад

Редактор: Жана Ацеска