Инциденти во Собранието: Груевски во главна улога
15 март 2018![Mazedonien Nikola Gruevski VMRO-DPMNE](https://static.dw.com/image/37324986_800.webp)
Реклама
Репертоарот на Груевски се состоеше од викање, истурање вода врз работната маса на претседателот на Собранието, отстранување на микрофонот и одземањето на картичката на Џафери. На крајот за малку беше избегната и физичка пресметка. Инцидентите и блокадите на работата на собранискиот спикер не се новина во македонското Собрание. Самиот Груевски уште во 2003 година дебитираше со одземање на пратеничката картичка на тогашниот претседател на Собранието Љупчо Јордановски. Тогаш причината беше расправата по буџетот, а овојпат Законот за јазици. И во 2003 година Јордановски, како и Џафери вчера, не реагираа на потегот на Груевски.