Ирачката влада бара преиспитување на статусот на сите странски фирми за безбедност кои работат во таа земја. Портпарол на владата изјави дека повод за барањето е престрелката во Багдад во неделата, во која загинаа најмалку осуммина цивили. Во неделата соработници на американската фирма за безбедност, Блеквотер, кои ескортираа конвој на американската амбасада пукаа околу себе. Причина за пукањето, според американски наводи, бил напад врз конвојот. Владата еден ден подоцна на Блеквотер и ја одзеде лиценцата за работа.