Ирачките шиити и сунити постигнале договор за помирување на повеќедневните тајни преговори во Финска. Делегатите на мнозинското шиитско население и на малцинското сунитско при тоа потпишале обврзувачки рамковен договор, соопштија организаторите на средбата од Иницијативата за кризен менаџмент со седиште во Хелсинки. Подлога за преговорите, според истиот извор, биле искуствата со мировниот процес за Јужна Африка и Северна Ирска.