Рускиот доктор, во чија клиника беше лекуван критичарот на Кремљ, Алексеј Навални директно по нападот со отров во минатата година, исчезна. Потрагата по него досега е без резултат.
Фотографија: picture-alliance/dpa/A. Kryazhev
Реклама
Исчезна сибирскиот лекар кој го лечеше рускиот опозиционер Алексеј Навални, откако му се слоши за време на летот во Русија минатата година, објави руската полиција во неделата.
Полицијата во регионот Омск, околу 2200 километри источно од Москва, објави дека лекарот Александар Мураховски во петокот ја напуштил ловечката база во шума во теренско возило и оттогаш не е виден.
Фотографија: Babuskinsky District Court Press Service via AP/picture alliance
Кон потрагата се придружија итни служби, дронови, хеликоптер и волонтери на терен.Мураховски е главен лекар во болницата во сибирски Омск во која се лечеше Навални, најгласниот критичар на претседателот Владимир Путин.
Мураховски потоа беше унапреден во регионален министер за здравство.По напнати преговори со властите, Навални беше префрлен на лечење од Омск во Германија.
Лабораториските тестирања во три европски земји, кои ги потврди глобалниот орган за надзор на хемиско оружје, утврдија дека Навални е отруен со нервниот агенс Новичок. Кремљ повеќепати ги отфрли обвинувањата дека руските власти се обиделе да го убијат Навални.
Навални се наоѓа во затвор од февруари и тврди дека е обвинет поради измислени обвинувања.
Владимир Путин: Патот до моќта
Владимир Путин е избран за претседател на Русија во четвртиот мандат. Поглед кон подемот на Путин од нискорангиран агент на КГБ до незапирлива политичка сила.
Фотографија: Reuters/D. Mdzinarishvili
Кадет на КГБ
Роден во Санкт Петербург во 1952, Путин се пријави во советската раразузнувачка служба КГБ веднаш по завршувањето на правниот факултет во 1975. Негова прва задача бил надзорот на странски државјани и вработени во конзулатите во родниот град, тогаш со името Ленининград Потоа замина на служба во Дрезден, источна Германија. Тој наводно запалил стотици документи на КГБ по падот на Берлинскиот ѕид.
Лево на фотографијата, младиот Путин стои до тогашниот градоначалник на Санкт Петербург, Анатоли Собчак. Тој му беше професор на Путин и го назначи за свој советник за меѓународни прашања. И покрај корупцискиот скандал на почетокот од службата, Путин не ја загуби работата, токму поради пријателството со Собчак.
Фотографија: Imago/ITAR-TASS
Метеорски подем
Путин набргу се префрли во Москва. Во 1997 рускиот претседател Борис Елцин му додели среднорангирана функција во неговата администрација- позиција која Путин ќе ја искористи за да создаде важни политички пријателства, кои ќе му бидат од полза во наредните децении.
Фотографија: picture alliance/AP Images
Смртта на пријателот
Путин беше длабоко потресен од смртта на Собчак во 2000 година. Откако ученикот политички го надмина својот учител, Собчак стана гласен поддржувал на кандидатурата на Путин за претседател на Русија. Една година претходно, Путин ги искористи своите врски за да бидат отфрлени обвинувањата против Собчак за проневера.
Фотографија: picture-alliance/dpa/S. Chirikov
Привремен претседател
Во јуни 2000 година, Борис Елцин поднесе оставка, отстапувајќу му на премиерот да стане привремен лидер на државата. За време на успешната претседателска кампања, повторно излегоа на површина обвинувањата за корупција против Путин од времето на неговата служба во Санкт Петербург. Марина Салје, пратеничката која ги изнесе обвинувањата, беше замолчена и принудена да го напушти градот.
Фотографија: Imago/ITAR-TASS
Тандемократија
Кога Путин уставно беше спречен да се кандидира за трет последователен мандат во 2008 година, премиерот Дмитри Медведев се кандидираше на негово место. Кога Медведев беше избран, тој го назначи Путин за премиер. Тоа доведе до критики за „тандемократија“ во Москва и многумина беа убедени дека Медведев е марионета на Путин.
Фотографија: Imago/ITAR-TASS
Победа
Во март 2018 година, Владимир Путин е избран за руски претседател во четврти мандат. Путин ќе биде на власт и во наредните шест години, со оглед дека претседателскиот мандат претходно беше продолжен на шест години. Избоrите беа засенети од обвинувањата за нерегуларности и манипулации, како и од фактот дека немаше вистинска опозиција на Путин.
