Италија и Шпанија - жаришта на коронавирусот во Европа
ЖА / агенции
31 март 2020
Знамињата во Италија на половина копје - солидарност со жртвите и исцрпеното здравство. Рекорден број смртни случаи од Ковид-19 за 24 часа во Шпанија - 849, во земјата е воведен целосен карантин.
Фотографија: Reuters/C. de Luca
Реклама
Знамињата во Италија денеска се на половина копје во знак на жалост поради жртвите од пандемијата на коронавирус. Ова е знак на солидарност со семејствата на илјадите починати, но и благодарност и солидарност со вработените во целосно преоптоварениот здравствен систем, соопшти денеска претставник на претседателот на земјата. Италијанскиот комунален сојуз Анчи освен тоа организираше акција на минута молк точно напладне. Италија со преку 100.000 регистрирани инфицирани со коронавирус е на второ место во светот, а според бројот на смртни случаи, е на прво место – досега се 11.500.
Знамињата се денеска на половина копја и во Ватикан, каде од Ковид-19 е заболен и првиот кардинал. Заменикот на папата Франциско за бискупијата Рим, Анџело Де Донатис се заразил со коравирус, јави ватканската медиумска платформа Ватиканњус. 66-годишниот кардинал има зголемена температура и се наоѓа во болница, но се чувствува добро, соопшти портпарол на бискупијата Рим. Папата Франциско во последно време немал контакти со заболениот кардинал. Во Ватикан веќе има неколку случаи на инфицирани со новиот вирус, но папата не е засегнат, соопшти официјален претставник на црковната држава.
Повторен скок на бројот инфицирани и мртви од коронавирус во ШпанијаФотографија: picture-alliance/Geisler-Fotopress
Во од коронавирусот тешко погодената Шпанија за 24 часа пак има 849 нови смртни случаи. Ова е досега највисоката бројка на жртви во еден ден, како што соопшти Министерството за здравство денеска во Мадрид. Со тоа веќе четврти ден по ред дневно во земјата умираат по повеќе од 800 луѓе, вкупно досега се 8190. И бројот на новоинфицирани исто така е пораснат и до денеска изнесува преку 94.000, повеќе од 9.000 повеќе од претходниот ден. На станиците за интензивна нега им се заканува целосен колапс. Истовремено, преку 2500 пациенти во текот на вчерашниот ден се отпуштени од болница по успешно завршеното лекување, вкупно заздравени по инфекцијата од коронавирус досега се речиси 20.000 лица.
За да се справи со корона-кризата, владата на Шпанија од денеска воведе уште подрастични мерки за ограничување на движењето, речиси целосен карантин. Критичарите влеат дека „зимскиот сон“, како што во Мадрид се нарекуваат најновите владини мерки, ќе значи смрт за четвртата по големина економија во Европа.
Коронавирус: Туристички атракции без посетители
Поради коронавирусот морничава тишина владее на многу туристички знаменитости, особено во Италија, но и во други земји. Погледнете како изгледаат овие места сега без вообичаените турканици..
Туристичките атракции во Италија се особено погодени од кризата со коронавирусот. Целата земја е во карантин. Продавниците се затворени, туристите ја напуштија земјата. Плоштадот Свети Петар во Рим е затворен, музеите и знаменитостите веќе не се отворени за јавноста.
Фотографија: picture-alliance/dpa/Zuma/G. Galazka
Тивкиот Милано
На северот на Италија, само големи групи гулаби се осмелуваат да излезат на улиците. Катедралата во Милано се извишува осамена и напуштена кон небото. Во Италија има полициски час на национално ниво. На луѓето им е дозволено да ги напуштат своите домови само кога одат на работа или кога одат да купат неопходни намирници.
Фотографија: picture-alliance/dpa/AP/L. Bruno
Празни места во Мадрид
По Италија, Шпанија е втората европска земја која е најпогодена од кризата со коронавирусот. Досега нема прогласено полициски час. Плоштадот Махор, обично пулсирачкиот центар на Мадрид е празен. Огромниот плоштад обично го посетуваат стотици илјади туристи секоја година. Во околината има повеќе од 3.000 ресторани, барови, кафулиња и таверни.
Жителите на Австрија, исто така, не можат веќе слободно да се движат. Од вторникот (18. март 2020) сите пабови и ресторани, покрај останатото, се затворени. Обележјето на Виена - катедралата Свети Стефан- е затворена за посетители, црковните служби се одвиваат без верници и се емитуваат на радио. И вообичаено многу посетениот плоштад пред катедралата е празен.
Карловиот мост во Прага вообичаено е преполн. Обележјето на градот сега е тивко. Чешката Република прогласи вонредна состојба поради кризата со коронавирусот и воведе широка забрана за влез и излез од земјата. Сите прекугранични транспортни врски со возови и со автобуси, исто така, се запрени. Слободата на движење на жителите е строго ограничена.
Фотографија: picture-alliance/dpa/AP/D. Josek
Франција во вонредна состојба
Претседателот на Франција рече дека земјата е во војна против коронавирусот. А министерот за внатрешни работи ги нарече „воени сојузници“ сите оние кои сега остануваат дома. Онаму каде што обично се разминуваат илјадници луѓе - Ајфеловата кула или Лувр во Париз - деновиве ретко може да се види некој.
Фотографија: picture-alliance/abaca/E. Blondet
Берлинските знамениости затворени
Берлин е сѐ попразен, иако сè уште не е прогласен полициски час. Знаменитостите како Рајхстагот се затворени. Театрите и музеите, исто така. Туризмот е ставен на пауза во Германија. Хотелите и останатото сместување сега можат да се користат само за „неопходни и исклучиво нетуристички цели“.
Фотографија: picture-alliance/dpa/M. Kappeler
Туризмот во режим на спиење
Дури и јавните знаменитости се празни. На улиците има само неколку туристи, како кај Бранденбуршката порта. Но, дури и ако сега има целосно чист поглед на обележјето на Берлин, посетата и не е баш забавна.
