Кога Луција, Натале и Андреа во нивната сладоледџилница дознаа дека економистот Карло Котарели сега доби мандат за составување на владата во Рим, лицата малку им се осветлија. Но, преовладува скептицизмот. Котарели беше специјален ополномоштеник за ревизија на издатоците на  јавната администрација и претпријатијата во две влади предводени од социјалдемократите. Луција  гледа елементарна криза во нејзината татковина: „Навистина е штета, она што се случува во Италија, мислам дека сега земјата сепак е некако  пред банкрот!“ Дури и ако ова семејство поминува само четири месеци годишно во Италија, таму има удел во животот и се прашува на кого сè уште може да му се довери земјата. „Сите политичари не прават ништо, па за кого тогаш треба да се гласа?", прашува Лусија. Котарели и новите избори навистина нема да ги решат елементарните проблеми, стравуваат и повеќето други  луѓе со италијански корени во Германија со кои разговараше ДВ. Секогаш одново, станува збор само за пари и моќ.

Сè, само Берлускони не

Едни продаваат сладолед, други работат како занаетчии или имаат ресторани. Дел од Италијанците со кои говореше ДВ со децении живеат во Германија. Затоа и  повеќето од нив се проевропски настроени и на случувања во нивната земја на потекло гледаат критички. Тие не сакаат да поддржат некој како Берлускони.

„Начинот на кој Серџо Матарела делуваше како претседател беше токму оној исправниот", вели Ѓанантонио, а со тоа се согласни и некои гости Италијанци во неговата пицерија. „Таму во Италија повеќе немаат ништо на ум и се опседнати со овие две партии (движењет Пет ѕвезди и Лега), критикуваат гостите во пицеријата. „Да се разговара со овие сили е исто како да му се зборува на ѕид“, вели гостилничарот, кој се врати од посетата на Италија пред само два дена. „Таму во политичка смисла навистина не изгледа добро", Ѓанантонио. Карло Котерели и експертска влада навистина може да бидат само преодно решение.

Страшилото Меркел

Особено е застрашувачко што младите луѓе во Италија најрадо повторно би го избрале „Мусолини“. Ова  во малата анкета на ДВ може да се разбере само на еден италијански бизнисмен. За разговорот тој  поставува  услов: Без фотографии. Неговиот бизнис не треба да се меша со политиката. „Ние повторно треба повеќе да размислуваме за италијанската традиција", вели тој. Семејството мора повторно да се зајакне. Овој италијански менталитет е силен. „Тогаш ние во Италија можеме да оствариме сé ", вели човекот. Тој уште смета дека Ангела Меркел  со нејзините замисли и прописи ја задушува Италија. Затоа, земјата мора да ѝ го заврти гробот на Европа, вели овој претриемач и додава дека неуспехот на Пет ѕвезди и Лега да формираат влада, бил горчлив пораз. Ова мислење меѓутоа во кратката анкета на расположението на германските Италијанци остана изолиран случај.

Серџо, друг сопственик на ресторан, не може да го разбере ова- - како впрочем и повеќето испитаници. „Толку долго имавме мир. За тоа можеме да ѝ заблагодариме само на Европа“. Затоа тој,  исто како и неговите италијански пријатели тука во Германија, гласал за Демократската партија (Partito Democratico). Сегашните политички тенденции во Италија Серџо не може да ги разбере бидејќи, смета оти земјата без еврото ќе западне во големи тешкотии. На пример, кај прашањата на пензиите и на долговите. Има Италијанци  во Германија со право на глас во Италија кои велат дека повеќе  нема да учествуваат на изборите во земјата на потекло, затоа што се исфрустрирани од ситуацијата во Рим. „Тие ја ризикуваат иднината на нивната земја", размислува поголемиот дел од испитаниците во мини-анкетата на ДВ меѓу Италијанците, кои живеат во Германија.