Италија смета дека не може самата да се справи со бранот бегалци и повторно апелираше за помош од останатите земји членки на ЕУ. Италијанскиот премиер Матео Ренци изјави дека неговата земја нема да може уште една година да издржи сличен број на доселеници како годинава. Бранот на бегалци мора да биде запрен до март, апелираше Ренци.

Ренци во изјавата за телевизијата РАИ 1 истакна дека Италија во буџетот на ЕУ уплаќа 20 милијарди евра а назад добива 12 милијарди.

Ако тогаш се извлече поука од државите како Унгарија, Чешка и Словачка, кои отфрлаат распоредување на бегалците во целата Унија, тогаш  дозволете ѝ на Италија да каже дека системот  не функционира - изјави Ренци.

Прашан дали тоа значи дека Италија е подготвена да стави вето на буџетот на ЕУ за 2017 година, Ренци кусо одговори: „Да, апсолутно“.

„Кој крева ѕидови против мигрантите, може слободно да заборави на италијанските пари. „Ако не може да поминуваат мигрантите, нема да поминуваат ни парите“, порача италијанскиот премиер.

Само меѓу петокот и неделата минатата недела италијанската крајбрежна стража од отворено море спаси 6000 луѓе. Досега годинава по морски пат во Италија веќе имаат пристигнато 155 илјади бегалци- колку што изнесуваше вкупниот број на мигранти во целата мината година.