Претставникот на Европската унија во преговарачката тројка за Косово , Волфганг Ишингер најави можност за одржување завршна преговарачка конференција кон крајот на ноември или почетокот на декември , слична на онаа во Дејтон по крајот на војната во Босна и Херцеговина . Во интервју за српскито весник Вечерње новости германскиот дипломат истакна дека на евентуалната конференција би присуствувале претставниците на “тројката” и на Белград и на Приштина .

Сето тоа според Ишингер , би имало смисол само доколку до средината или до крајот на ноември има доволно преговарачки материјал на располагање.