Со цел да им застане на патот на бројните шпекулации и дезинформации за коронавирусот, Светската здравствена организација објави посебна интернет-страница која има за цел да ги разбие „митовите“ за вирусот со факти.
Фотографија: AFP/N. Celis
Реклама
За почеток информирајте се за симптомите на коронавирусот. Според истражувањата на научниците, најчест симптом е треската. Таа била регистрирана кај 98% од пациентите кај кои била утврдена инфекцијата.
Заштитата од вирусот е релативно едноставна:
А сега малку за фактите. Примањето писма или поштенски пакети од Кина не е опасно:
А засега не постои ни вакцина:
Не плашете се од домашните миленици. Засега нема докази дека тие го пренесуваат вирусот.
Јадењето лук е добро за организмот, иако луѓето во вашето непосредно опкружување веројатно нема да уживаат. Она што е најважно, нема да ве заштити ни од коронавирусот.
Жабуркањето со течност за уста е секогаш препорачливо (особено по конзумирањето лук), но и тоа не влијае многу на инфекцијата.
Слично е и со солениот раствор за нос. Помага, но само при настинки.
Последно, но не и најмалку важно, не обидувајте се да се труете со хемикалии. Шпекулациите дека со нив ќе го спречите вирусот не само што нема да ве заштитат, туку можат и дополнително да ви го уништат здравјето.
Она што е досега со сигурност утврдено е дека коронавирусот се пренесува преку капки од искашлување, кивање или кашлање на заразено лице. Периодот на инкубација е 14 дена, што значи дека лица кои не се свесни дека се заразени би можеле да ја пренесат инфекцијата на други лица.
Упатства: Како да се заштитите од коронавирус
Луѓето ширум светот ставаат заштитни маски за дишење за да спречат вирусна инфекција. Сепак, други мерки се поефикасни. Еве неколку совети засновани на упатствата на СЗО.
Фотографија: Getty Images/X. Chu
Подобро од ништо
Не е докажано дека маските за лице можат ефикасно да ве заштитат од вирусни инфекции. Овие маски веројатно се во можност да фатат некои микроби пред да стигнат до устата или носот. Но уште поважно е тоа дека тие ги спречуваат луѓето да ги допираат устата или носот (што повеќето луѓе го прават инстинктивно). Ако веќе сте болни, таквите маски може да спречат да не заразувате други.
Фотографија: Getty Images/Stringer
Дезинфицирајте ги рацете
Во својот список на препораки како да се заштитите од зарази, Светската здравствена организација не споменува маски за лице. На врвот е често миењето на рацете. СЗО препорачува дезинфекциско средство за рацете на база на алкохол, како на фотографијата, кои најчесто ги гледаме во болниците
Фотографија: picture-alliance/dpa/S. Pilick
И сапун и вода ќе завршат работа
Поедноставното секојдневно решение се водата и сапунот, ако ги имате при рака. Но, проверете дали темелно ги миете рацете...
Фотографија: picture alliance/dpa/C. Klose
Кашлање и кивање - но направете го тоа правилно!
Еве што препорачуваат лекарите: Кога кашлате и кивате, покријте ја устата и носот со вашиот подигнат лакот. Или користете книжни марамчиња - но потоа веднаш фрлете го марамчето и измијте ги рацете. А кошулата или џемперот? Не, нив не мора да ги фрлите. Но, перете ги често или однесете ги на хемиско чистење.
Фотографија: Fotolia/Brenda Carson
Стојте подалеку!
Друга препорака која можеби не функционира за сите: Избегнувајте близок контакт со секој кој има треска и кашлица! Ако треба да имате контакт со болни луѓе, погрижете се да преземете дополнителни заштитни мерки.
Фотографија: picture alliance/empics
Имате треска? Одете на лекар, а не на патување!
Ако имате треска, кашлица и отежнато дишење, побарајте лекарска помош навреме. Избегнувајте јавни места за да не ги инфицирате другите. И, исто така, објаснете му на вашиот лекар каде претходно сте патувале.
Фотографија: Reuters/P. Mikheyev
Избегнувајте контакт!
При посета на сточни и зелени пазари во области во кои во моментот има случаи на новиот коронавирус, избегнувајте директен незаштитен контакт со живи животни. Тоа исто така вклучува какви било површини кои се во контакт со животни.
Фотографија: DW
Добро термички обработено - не сурово!
Варете,печете и пржете го месото темелно. Потребно е да се избегне конзумирање на сурови, недоволно термички обработени производи од животинско потекло. Со суровото месо, млекото или животинските органи треба да се постапува внимателно за да се избегне инфицирање од термички необработена храна. Овие се добри практики за безбедност на храната и помагаат да се спречи ширењето на болести.
