Дирндл и ледерхозен (кожни пантолони) се дел од германската народна носија познати ширум светот. Но, на Октоберфест традиционалните костуми не ги носат само Германците. Оваа група, на пример, ја сочинуваат посетители од Австралија, Австрија, Франција и Чешка.

За разлика од пред неколку години кога на носењето дирндл се гледаше со неодобрување, денес тој е обрзувачки дел од костумот. Можат да се најдат во сите бои, марки и стилови, а во продажба се на речиси секое ќоше, особено за време на фестивалот. Останува на вас да изберете кој најмногу ви одговара.

Можете да одберете традиционални, едноставни, црни или слични како овие на фотографијата. Важно е само да ги искомбинирате со шарена кецела.

Но, немојте да се залажувате затоа што Дирндл-от не е ефтин. Цените се движат од 80 евра па нагоре. Најскапиот Дирндл на светот е направен од свила и украсен е со кристали на Сваровски, а чини астрономски 100 илјади евра. Овој луксузен Дирндл го дизајнираше Лола Палтингер.

Оваа народна носија може да биде во типичен германски стил, но некои дизајнери и дадоа и меѓународен карактер. Компанијата „Нох Не“ од Минхен произведува Дирндл од африкански материјали.

Откако сте одбрале Дирндл, на ред е она што се наоѓа под фустанот. Продавниците за долна облека во текот на Октоберфест нудат специјални градници за Дирндл со кои го обезбедуваат деколтето по кое Дирндл е славен.

Но, не се само дамите тие кои се дотеруваат за Октоберфест. Типичните баварски кожени пантолони за мажи се голем хит- не само во Баварија, туку и во цела Германија. Во бутиците ширум Германија- а понекогаш и надвор од неа- можете да пронајдете цели оддели со Дирндл и ледерхозен.

Модните детали се неопходни и за кожените пантолони, како и за Дирндл. Типичните додатоци се ткн. каривари кои се закачуваат за пантолоните. Тоа се ланци на кои се закачени различни приврзоци, како парички, животински заби, рогови или други ловечки трофеи.

На Октоберфест не е важно каков автомобил возите, кој има поскапа вила или поскапа јахта. За вашиот статус говори „гамсбарт“ кој го носите на глава. Тоа е прамен кој се носи како украс на шеширот. Колку е поголем гамсбартот, поголема е почитта која ја добивате.

Дури и најмладите посетители на Октоберфест се обидуваат да имаат адекватен костум. Децата исто така учествуваат во традиционалната парада која е дел од секој Октоберфест.

Но немојте поради разговорите за модата да ја заборавите главната причина поради која се доаѓа на Октоберфест- уживање во одличното пиво. Како што велат Германците- Прост! На здравје!

Да се оствари пријатно познанство или да се флертува со убава девојка или убаво момче седејќи на клупа? Зошто да не! Само не заборавајте да држите дистанца. Оваа клупа укажува дури и колкава.

Во моментов, во многу ресторани во Германија, на секоја втора маса има натпис „Ве молам, не седнувајте“. Сопственикот на ресторанот „Beef'n Beer“ во Хофхајм на Таунус го решил овој проблемот духовито: на секоја маса на која не треба да се седи ставил плишни мечиња.

Ресторанот „Клостервирт“ во центарот на Минхен избра друга опција. Од 25 мај тука можете да вечерате со британската кралица и со други светски познати личности. Големи фотографии од нив „седат“ на масите кои треба да останат празни.

Шапката со широк обод ќе ви помогне да држите дистанца со стил. Каква што е, на пример, оваа шапка на кралицата на Холандија Максима. Иако е пожелно таа да биде уште поголема.

Драмскиот театар „Берлински Ансанбл“ во германската престолнина се подготвува повторно да ја пречека публиката. Но, сè уште не во целост. За идните настапи одлучија значително да ги „разредат“ редовите со места за гледачите.

За да не се преполнат одморалиштата во парковите и тревниците, властите во германскиот градХајделберг решија да исцртаат кругови на тревата со креда. Ем безбедно, ем сите спокојни.

И сопственикот носи маска, и кучето е заштитено со јака, која им е позната на многу љубители на кучиња и пред пандемијата на коронавирусот. Се нарекува ветеринарна или елизабетанска јака или конус. И сопственикот може да носи нешто слично (ако сака!).

Овие меки здолништа (добро, можеби малку потесни) се носеа во ерата на англиската кралица Елизабета I. Со нив, растојанието е загарантирано!

Ова е маска од познатиот карневал во Келн. Слични се носеле уште во Средниот век. Но, тогаш се верувало оти со нив се заштитувале од чума. Сега - од коронавирусот.