Кубанскиот лидер Фидел Кастро се појави на телевизија за првпат по три месеци, демантирајќи ги шпекулациите на некои западни медиуми дека е на смртна постела или дека здравјето значително му е влошено. 81 годишниот Кастро во телевизиското интервју говореше за ситуацијата во светот, студената војна и светската економија. Кастро кој на 31 јули 2006 година му ја предаде власта на брат му Раул бидејќи замина на итна операција, се нема појавено во јавноста, освен преку телевизиски настапи и слики во весници.