Германскиот претседател Хорст Келер ја повика Бугарија на засилена борба против корупцијата и организираниот криминал. Слично како и на претходната посета на Романија, Келер во Софија ја истакна важноста на правната држава за натамошниот развој на економската соработка меѓу Бугарија и Германија. Келер и неговиот домаќин Ѓорѓи Прванов на средбата во бугарскиот главен град ја пофалија динамичната економска соработка меѓу двете земји. Последна станица на Келер е посета на меѓународните сили во Босна.