Розенмонтаг без карневалска поворка всушност е незамислив во карневалските метрополи. Но, бурата „Ружица“ со сила на ветрот од 10 степени според Бофоровата скала, во многу градови, како карневалските упоришта Мајнц и Диселдорф, ги „одвеа“ карневалите.

Одделни карневалисти му пркосат на невремето, како овој Индијанец во Диселдорф. Но, што би се случило ако се скрши гранка на дрво или биде одвеан дел од карневалските возила и падне врз луѓето? Одговорните во Мајнц и во Диселдорф со тешко срце се одлучија да ја откажат карневалската поворка.

Некои од карневалските коли со мотиви во Диселдорф беа паркирани на јавни места. Таму батем минувачите можат да ја видат канцеларката Меркел, „прегазена“ од бегалскиот бран.

Идејните творци на карневалски возила во главниот град на покраината Северна Рајна Вестфалија останаа верни на својата традиција и не пропуштија ниту една политичка бризантна тема. Овде е прикажано свртувањето в десно на политичката партија Алтернатива за Германија.

И ова возило не помина низ Диселдорф, туку едноставно беше паркирано некаде. Што би рекол претендентот за кандидат за претседател на САД Доналд Трамп ако се види во ваква верзија?

Во Мајнц карневалските возила останаа во халите. Тие беа подготвени за карневалската поворка, натоварени со колачи кои се фрлаат врз маскираните карневалисти. Не само децата, туку и многумина други се прашуваат: што ќе се случи сега со тоните „камеле“ (слатки)?

Одговорните од Организацискиот комитте во Келн решија да ја стартуваат карневалската поворка, но без коњи, без големи фигури или знамиња. Инаку, важи мотото: Нема лошо време, постои само несоодветна облека.

Кај гледачите на цена се непропустливи чевли. Притоа, туркањето и натпреварот да се фатат повеќе „камеле“ (сталки), оваа година во Келн беше помало од обично.

Поради сексуалните напади во новогодишната ноќ во Келн и латентната опасност од терор, полицијата во Келн се реши на засилено присуство на улиците.

Непоправливите маскирани карневалски славеници не дозволуваат да им се помати расположението ниту од ветрот ниту од невремето или терористичката опасност. Чадори во живи бои и чаша келнско пиво, „келш“, одат заедно со песна.