Според Јапонија и Јужна Кореја, Северна Кореја истрелала најмалку еден проектил во морето за пробни цели. Испуканиот проектил најверојатно бил балистичка ракета.
Фотографија: Yonhap/picture alliance
Реклама
Северна Кореја денеска испука неидентификувана ракета кон своите територијални води во Источното море, соопштија јужнокорејската и јапонската војска.
Најновото лансирање следеше откако севернокорејскиот лидер Ким Јонг Ун на конференцијата на владеачката партија минатата недела вети дека и натаму ќе ја засилува воената способност.
Генералштабот на Јужна Корејасоопшти дека утрово Северна Кореја испалила проектил кон своите источни води, не наведувајќи повеќе детали.
Ни јапонското Министерство за одбрана во соопштението не наведе детали. Соопштено е само оти Северна Кореја испукала нешто што веројатно било балистичка ракета.
Фотографија: Kim Hong-Ji/REUTERS
Меѓународно изолирана
Северна Кореја тестираше серија новоразвиено оружје во септември и во ноември минатата година, вклучувајќи и ракети со нуклеарна способност.
Одделни експерти велат дека земјата врши притисок на своите ривали да ја прифатат како нуклеарна држава и да ги ублажат меѓународните санкции во Северна Кореја.
Администрацијата на Бајден повеќепати повторуваше дека е отворена за продолжување на нуклеарна дипломатија со земјата „каде било и кога било“ без предуслови.
Сверна Кореја досега ги одбиваше таквите обиди, велејќи оти непријателството со САД останува непроменето.
За што е способна севернокорејската армија?
Северна Кореја повторно го привлекува вниманието на светската јавност. Тестирањето на интерконтиненталните ракети наидува на остри критики. Земјата има една од најголемите армии во светот. Но, продолжува да се вооружува
Фотографија: Reuters/KCNA
Меѓу најбројните армии во светот
Севернокорејската армија има 700 илјади војници и околу 4,5 милиони резервисти. Речиси секој петти жител на земјата е во војска. Сите мажи во комунистичкиот режим мораат да учествуваат во воената обука. Поради тоа, Северна Кореја има двојно повеќе војници од соседната Јужна Кореја.
Фотографија: Getty Images/AFP/E. Jones
Различни воени орудија
Според податоците наведени во Глобалниот индекс за вооружување, Северна Кореја во 2017 година располага со 76 подморници, 5.025 тенкови и 458 борбени авиони. На оваа фотографија од 2013 година, лидерот Ким Јонг Ун е сликан во командната централа на армијата.
Фотографија: picture-alliance/dpa
Воена парада
Севернокорејскиот режим секоја година ја демонстрира својата сила на воена парада во главниот град Пјонгјанг. Парадите воглавно се одржуваат за време на некој важен јубилеј на комунистичката земја или семејството Ким.
Фотографија: picture-alliance/dpa/KCNA
Интерконтинентални ракети
САД во четвртокот потврдија дека Северна Кореја успешно тестирала балистичка интерконтинентална ракета. Ракетата од типот „Хвасонг- 14“ е во состојба да ја погоди секоја цел во светот, јави државната новинска агенција КЦНА.
Фотографија: Getty Images/AFP/KCNA
Атомските проби продолжуваат
И покрај острите санкции, Северна Кореја продолжува со својата атомска програма. Само во 2016 година беа извршени пет нуклеарни проби. Јужнокорејскиот министер за одбрана Хан Мин Ко смета дека соседот наскоро ќе го изврши и шестиот тест.
Фотографија: picture-alliance/dpa/KCNA
Закана за светскиот мир
Кина и Русија се единствените земји кои се водат како сојузници на Северна Кореја. Режимот за главен непријател ја смета „империјалистичката сила САД“. Меѓу непријателите уште спаѓаат и Јужна Кореја и Јапонија.
Фотографија: Reuters/K. Hong-Ji
Крај на трпението?
По тестирањето на интерконтиненталните ракети на американското трпение му дојде крајот. Претседателот на САД, Доналд Трамп сака да најде решение со своите сојузници од Г20. Кина и Русија, во секој случај, сакаат да спречат американски напади врз воени цели во Северна Кореја.
