Кина започна со користење на анални стапчиња за тестирање на лицата за кои смета дека се високо-ризични за заразување од Ковид-19. Лекарите велат дека процедурата е поефективна, но граѓаните не се среќни.
Фотографија: Mu Yu/Xinhua/AP/picture alliance
Реклама
Инвазивната процедура досега е применета на жителите на населби во Пекинг каде се јавиле потврдени случаи на Ковид-19 минатата недела, како и во некои објекти за карантин.
Во последните недели во повеќе градови во северна Кина избувнаа локализирани појави на заразата, и тие се во најголем дел сместени во карантин и спроведени се масовни кампањи на тестирање. Досега тестовите беа спроведувани со класичниот метод на земање брис од грло и нос.
Но методот на земање анален брис „може да ја зголеми стапката на откривање на заразени лица“, затоа што остатоците од вирусот остануваат подолго во анусот одошто во респираторниот тракт, вели за кинеската државна телевизија Ли Тонзенг, доктор во болницата Ју’ан во Пекинг.
Но, корисниците на популарните кинески социјални мрежи на веста реагираа со подсмев и ужаснатост.
„Толку сум среќен што се вратив порано во Кина“, пишува еден корисник.
„Мала штета, но големо понижување“, вели друг, користејќи подсмешлив емотикон.
Други, кои веќе минале низ процедурата, се придружија со црн хумор.
„Двапати направив анален тест, и потоа морав да направам и брис од грло- бев многу исплашен дека болничарката ќе заборави да искористи друго стапче“, се шегува еден корисник на Веибо.
Масовното тестирање во Кина и натаму се врши со „класичниот“ методФотографија: Noel Celis/AFP/Getty Images
Кинеската телевизија соопшти дека аналните стапчиња нема да имаат широка примена како другите методи, поради „нелагодноста“ на техниката.
Растот на заразата ширум светот ја натера Кина да воведе построги ограничувања за меѓународните патници во обид да ја држи домашната трансмисија на пониско ниво.
Сите кои пристигнуваат во земјата мора да имаат повеќекратни негативни тестови и да останат во карантин во хотел најмалку 14 дена, а во некои градови и региони и подолго.
Вухан: Една година по избувнувањето на пандемијата
На крајот на 2019 се појавија првите извештаи а на почетокот на 2020 кинескиот град Вухан стана озлогласен како прво жариште на коронавирусот во светот. Како е сега таму, една година потоа?
Фотографија: Aly Song/REUTERS
Рамо до рамо на преполните пазари
Вухан беше во карантин околу 11 недели откако стана првото глобално жариште на коронавирусот. До средината на мај 50.000 од 80.000 од официјалните случаи на заразата во Кина беа во Вухан. Но, сега животот речиси е вратен во „нормала“ на преполните улични пазари во градот.
Фотографија: Aly Song/REUTERS
Танцување на улиците
За време на карантинот, на жителите не им беше дозволено ниту да ги напуштат своите домови. Сега, тие дури можат да танцуваат заедно во парковите. Според новинската агенција Ројтерс, таму веќе со месеци нема локално пренесување на вирусот.
Фотографија: Aly Song/REUTERS
Нулта точка на коронавирусот?
Зеленчук, риба и месо - дури и диви животни - сето тоа се продаваше на овој покриен пазар. Но, тој ги затвори портите на 1 јануари 2020 година, откако започна да се шири мистериозното заболување на белите дробови и неговото потекло беше пронајдено на пазарот. Научниците сè уште не ја утврдија точната улога на пазарот во ширењето на вирусот, ако воопшто имаше улога.
Фотографија: Getty Images/AFP/N. Celis
Егзистенцијата на рестораните е изложена на ризик
Пред пандемијата, Лаи Јун поголемиот дел од производите за неговиот јапонски ресторан ги купувал во покриениот пазар. „Ги испраќав децата на училиште, појадував, а потоа одев на пазар“, вели 38-годишникот. Од повторното отворање во јуни, тој морал да оди на друго место - а некои од состојките сега чинат петпати повеќе. „Наша цел за наредната година е едноставно да преживееме“, вели тој за ДВ.
Фотографија: Aly Song/REUTERS
Нема повеќе свежа стока
Иако пазарот на приземјето сè уште е затворен, вториот кат е повторно отворен. Но, поголемиот дел од продавниците продаваат очила и други специјализирани производи за оптичари. „Некои луѓе можеби имаат чудно чувство, но сега е само празна зграда“, вели за ДВ една од продавачките, која не сакаше да го каже своето име.
Фотографија: Aly Song/REUTERS
Продавачите се префлија на улиците
Од затворањето на пазарот, некои луѓе почнаа да продаваат месо и друга свежа стока на улиците. Дури и ако продавачите носат маски и ракавици, некои велат дека условите не се во согласност со одредени хигиенски стандарди. Во екот на пандемијата на коронавирусот покриениот пазар беше критикуван поради лошите здравствени и санитарни прописи.
Фотографија: Aly Song/REUTERS
Кловн без маска- заштитна
Повеќето жители на Вухан носат маски на јавни места, особено затоа што коронавирусот не е исчезнати имала одреден број нови случаи на други места во Кина. „Многу луѓе почнаа да складираат маски, средства за дезинфекција и друга заштитна опрема“, изјави за ДВ, 29-годишниот учител по англиски јазик Јен.
