„Долгиот марш 5“ гласи името на новата ракета. Таа својот пат кон вселената го започна од космодромот во Венчанг на островот Хајнан во југоисточна Кина. ракетата е во состојба во Земјината орбита да транспортира товар од 25 тони  и со тоа е досега најмоќната ракета-носач која ја конструирала Кина. Лансирањето на 57 метри долгата ракета е важен чекор напред на патот кон планираната кинеска вселенска станица.

Според проценките 100 илјади луѓе го проследија лансирањето на „Долгиот марш 5“ на лице место. Ракетата припаѓа кон најновата генерација од успешното семејство „Долгиот марш“. Со неа Кина во иднина ќе може во вселената да транспортира поголеми цивилни и воени сателити.

Таа во 2018 година во вселената треба да го однесе основниот модул „Тианхе 1“ (Небесна хармонија).   Без 'Долгиот марш 5' не може да има вселенска станица, велат експертите. Истотака не може да има ниту роботски мисии кон Месечината и Марс. Секој нов вселенски проект започнува со лансирањето на ракета.