Кина најостро ја осудува одлуката на американскиот Конгрес да му додели награда на тибетскиот водач во егзил Далај Лама. Ова сериозно ќе ги влоши односите меѓу двете земји, соопшти портпаролот на кинеското министерство за надворешни работи, додавајќи дека Пекинг се надева оти САД ќе ја поправат грешката и ќе престанат да се мешаат во внатрешните работи на Кина. Според американски извори во знак на протест против ваквата одлука на Конгресот, Кина се повлекува и од состанокот на кој неделава во Берлин петте постојани членки на СБ и Германија требаше да разговараат околу нови санкции за Иран. Состанокот за Иран најверојатно ќе се одржи следната недела. Инаку, властите во Пекинг го обвинуваат Далај Лама за сепаратизам.