Кинеската вселенска лабораторија „Тиангонг 1“, која неконтролирано леташе низ вселената, откако делумно согоре во Земјината атмосфера, падна во водите на Тихиот Океан.
Фотографија: picture alliance/AP Photo/Fraunhofer Institute
Реклама
Вселенската лабораторија „Тиангонг“ 1 влезе во атмосферата на Земјата над Јужен Пацифик и тука во најголем дел согоре, а останатите делови паднаа во вода, соопшти Центарот за вселенски летови во Пекинг.
Кинеската вселенска станица „Тиангонг1“ падна во океан
01:05
This browser does not support the video element.
„Тиангонг 1“ или во превод „Небеска палата 1“, излезе од контрола во март 2016 година, кога беше прекинат контактот со речиси осум тони тешката вселенска лабораторија и таа веќе не можеше да биде управувана и маневрирана во орбитата на Земјата. Од таа причина во цел свет од страна на експертите се следеше нејзиното движење и делумно се стравуваше од нејзиниот пад, иако се претпоставуваше дека во голем дел ќе согори во вселената. Областа каде се очекуваше пад на делови од околу 12 метри долгиот вселенски модул беше голема: од 43. степен јужно до 43. степен северно од Екваторот.
Вселенската лабораторија беше стартувана во септември 2011 година, во рамките на кинеската вселенска амбиција: постојана вселенска станица која се планира до 2022 година. Во 2016. година Кина ја испрати во вселената вселенската лабораторија „Тиангонг 2“.
Разгледници од вселената
Сентинел 1 беше лансиран во вселената на 3. април 2014. година. Првиот сателит во рамките на европската програма за набљудување на Земјата - Коперникус треба да обезбеди податоци за анализа на животната средина.
Фотографија: ESA – S. Corvaja
Први фотографии од новиот сателит
Сентинел -1 би требало да тестира една револуционерна идеја: датотека на податоци во вселената. Сателитот е опремен со специјален ласер, кој овозможува брза размена на големо количество податоци. Тоа е посебно важно кога времето може да чини животи, како што е во случај на природни катастрофи. Сега можат да се видат првите фотографии.
Фотографија: ESA/ATG medialab
Први чекори
Само десетина дена по стартот во вселената, Сентинел -1 ја направи првата фотографија. Во согласност со европскиот проект, таа го прикажува белгискиот главен град Брисел.
Фотографија: ESA
Гигант кој се топи
Ова е фотографија на глечер на островот Пајн. Од таа гигантска маса на западниот Антарктик секоја година милијарди тони мраз завршуваат в море. Последица на глобалното затоплување: предниот дел од глечерот, според оценката на експертите, секоја година се намалува за еден километар.
Фотографија: ESA
Земјата долу
Каприви е област во североисточниот дел од Намибија. Во дождовниот период, од декември до март, реката Замбези поплавува многу делови од таа област. Со својата мрежа на водени текови, областа Каприви е единствена во Намибија во која преку цела година има вода, а со тоа и животни.
Фотографија: ESA
Најголема концентрација на истражувачи
Најсеверниот дел од Антарктикот го сочинува еден полуостров. Неговите планини се високи до 2800 метри и се сметаат за продолжение на јужноамериканските Анди. На антарктичкиот полуостров се наоѓа најголемата концентрација на истражувачки станици на континентот.
Фотографија: ESA
Мраз во движење
Аустфона на Свалбард во Норвешка, со своите 8.120 квадратни метри, е најголемиот глечер во Европа. Заедничките мерења на Сентинел-1 и Германскиот вселенски центар ДЛР покажаа дека таа област се движи десет пати побрзо отколку што досега се мислеше.
Фотографија: ESA/DLR/Gamma/University of Leeds/University of Edinburgh
Фотографија на имењакот
Овде со боја е означен островот Северен Сентинел, најзападниот Андамански остров во Индискиот Океан. Пристапот кон него од 1966. година е строго забранет. На него живеат припадници на племето Сентинел, кои упорно одбиваат секаков контакт со останатиот свет.
Фотографија: ESA
Најголемата солена пустина на светот
Салар де Ујуни е најголемата солена пустина во светот. Таа настанала пред повеќе од 10.000 години откако пресушило езерото. Салар де Ујуни се наоѓа на надморска височина од над 3.600 метри во југозападна Боливија.
