На предвремените парламентарни избори, според Државната изборна комисија, од обработените податоци од 2.091 избирачки места во Република Македонија, односно 59,50 отсто од вкупниот број, во водство е „Коалицијата за подобра Македонија“ предводена од ВМРО-ДПМНЕ со 228.950 гласа или 42,47 проценти од гласовите.

СДСМ и коалицијата освоиле 124.811 гласови или 23,15 проценти, ДУИ 85.972 или 15,95 проценти од пребројаните гласови и ДПА 37.710 гласови односно 7,00 проценти. Податоците од овие избирачки места покажуваат дека ГРОМ освоил 14.465 гласови или 2,68 проценти, НДП 7.578 или 1,41 отсто, ВМРО-НП 7.489 или 1,39 проценти.

За претседателските избори, од преброените гласови од 2.160 избирачки места односно 61,50 отсто од вкупно 3.512 во Македонија и во странство, според податоците на Државната изборна комисија (ДИК), во предност е кандидатот за претседател на ВМРО-ДПМНЕ и коалицијата „За подобра Македонија“ Ѓорге Иванов со освоени 267.016 гласови, додека кандидатот за претседател на СДСМ Стево Пендаровски добил 185.641 глас.