Да се вратат учениците безбедно на настава, мора да биде врвен приоритет, порача генералниот секретар на ОН, Антонио Гутереш. Тој предупреди од „катастрофа за цела генерација“ затворањето на училиштата поради Ковид-19.
Фотографија: Getty Images/AFP/P. Pardo
Реклама
Генералниот секретар на Обединетите нации, Антонио Гутереш, изјави дека пандемијата на коронавирусот доведе до најголемо пореметување во образованието во историјата со затворени училишта во повеќе од 160 земји во средината на јули што погодува над милијарда ученици.
Покрај тоа Гутереш истакна дека најмалку 40 милиони деца ширум светот ја пропуштиле „својата критична предучилишна година“.Како последица на тоа тој предупреди оти светот се соочува со „генерациска катастрофа која би можела да доведе до губење на незамислив човечки потенцијал, да подрие децении на напредок и да ја засили врежаната нееднаквост.
Фотографија: Imago Images/Xinhua/
„Се наоѓаме во одлучувачки момент за децата и младите во светот“, рече Гутереш во видео-порака при лансирањето на кампањата на ОН „Да ја спасиме нашата иднина“.
Тој рече дека одлуките кои владите и партнерите сега ги донесуваат ќе имаат трајно влијание на стотици милиони млади луѓе и на развојните изгледи на земјите во децениите кои доаѓаат.
Ковид-19: Импровизирани прегради за безбеден училишен ден
01:04
This browser does not support the video element.
Гутереш изјави оти враќањето на учениците во училниците треба да биде „главен приоритет“.„Кога локалниот пренос на Ковид-19 ќе се стави под контрола враќањето на учениците во училиштата и во образовните институции што е можно побезбедно мора да биде главен приоритет“, изјави шефот на ОН и додаде дека консултациите со родителите, старателите, наставниците и младите се од основна важност.
Упатства: Како да се заштитите од коронавирус
Луѓето ширум светот ставаат заштитни маски за дишење за да спречат вирусна инфекција. Сепак, други мерки се поефикасни. Еве неколку совети засновани на упатствата на СЗО.
Фотографија: Getty Images/X. Chu
Подобро од ништо
Не е докажано дека маските за лице можат ефикасно да ве заштитат од вирусни инфекции. Овие маски веројатно се во можност да фатат некои микроби пред да стигнат до устата или носот. Но уште поважно е тоа дека тие ги спречуваат луѓето да ги допираат устата или носот (што повеќето луѓе го прават инстинктивно). Ако веќе сте болни, таквите маски може да спречат да не заразувате други.
Фотографија: Getty Images/Stringer
Дезинфицирајте ги рацете
Во својот список на препораки како да се заштитите од зарази, Светската здравствена организација не споменува маски за лице. На врвот е често миењето на рацете. СЗО препорачува дезинфекциско средство за рацете на база на алкохол, како на фотографијата, кои најчесто ги гледаме во болниците
Фотографија: picture-alliance/dpa/S. Pilick
И сапун и вода ќе завршат работа
Поедноставното секојдневно решение се водата и сапунот, ако ги имате при рака. Но, проверете дали темелно ги миете рацете...
Фотографија: picture alliance/dpa/C. Klose
Кашлање и кивање - но направете го тоа правилно!
Еве што препорачуваат лекарите: Кога кашлате и кивате, покријте ја устата и носот со вашиот подигнат лакот. Или користете книжни марамчиња - но потоа веднаш фрлете го марамчето и измијте ги рацете. А кошулата или џемперот? Не, нив не мора да ги фрлите. Но, перете ги често или однесете ги на хемиско чистење.
Фотографија: Fotolia/Brenda Carson
Стојте подалеку!
Друга препорака која можеби не функционира за сите: Избегнувајте близок контакт со секој кој има треска и кашлица! Ако треба да имате контакт со болни луѓе, погрижете се да преземете дополнителни заштитни мерки.
Фотографија: picture alliance/empics
Имате треска? Одете на лекар, а не на патување!
Ако имате треска, кашлица и отежнато дишење, побарајте лекарска помош навреме. Избегнувајте јавни места за да не ги инфицирате другите. И, исто така, објаснете му на вашиот лекар каде претходно сте патувале.
Фотографија: Reuters/P. Mikheyev
Избегнувајте контакт!
При посета на сточни и зелени пазари во области во кои во моментот има случаи на новиот коронавирус, избегнувајте директен незаштитен контакт со живи животни. Тоа исто така вклучува какви било површини кои се во контакт со животни.
Фотографија: DW
Добро термички обработено - не сурово!
Варете,печете и пржете го месото темелно. Потребно е да се избегне конзумирање на сурови, недоволно термички обработени производи од животинско потекло. Со суровото месо, млекото или животинските органи треба да се постапува внимателно за да се избегне инфицирање од термички необработена храна. Овие се добри практики за безбедност на храната и помагаат да се спречи ширењето на болести.
