Португалија во последните две недели забележа најголем број нови инфекции и смртни случаи од Ковид-19 по глава на жител од која било друга земја. Португалските болници не можат да држат чекор со пандемијата.
Фотографија: Pedro Fiuza/ZUMA Wire/dpa/picture alliance
Реклама
Ова е втора теренска болница која во рок од неколку дена е изградена во универзитетскиот кампус во Лисабон. Сега кошаркарската сала е претворена во импровизирана клиника за 150 пациенти. Жоао Рокет всушност е одговорен за спортските објекти во овој универзитет. Во последните неколку недели и тој стана личност која помага во итни случаи.
„Предноста е во тоа што спортските сали се флексибилни. Тие многу лесно можат да се претворат во полски болници. Многу потешко е да се најде соодветен медицински персонал и да се одржува клиниката во функција“, вели Рокет.
Болниците преполни, Ковид-пациентите во спортски сали
01:17
This browser does not support the video element.
Лекари од Германија, исто така, би требало да помогнат во оваа привремена болница. Тие се дел од медицинскиот тим на германската војска.
Најголемата клиника во Лисабон, која се наоѓа отспротива на универзитетскиот кампус, со денови се бори против колапс. Речиси сите 900 кревети за интензивна нега на пациентите заразени со коронавирусот се зафатени, а недостасува и најпотребна опрема.
Жоао Рокет веќе се подготвува за персоналот кој ќе дојде во болницата. Нарачал неколку камп куќи кои ќе се постават пред импровизираната клиника. Во нив лекарите ќе можат да одморат за време на своите долги и исцрпувачки смени.
Фотографија: Pedro Nunes/REUTERS
Проектот со камп куќите започна пред две недели. Веќе активни се над 200 волонтери, а во употреба се и околу 50 возила.
„Тука работата е многу емотивна. Една лекарка минатата недела ми тропна на врата само да се заблагодари. Рече дека често се чувствувала очајно. Сметам дека покрај место за спиење на медицинскиот персонал некогаш му е потребна и морална поддршка“, вели еден од волонтерите.
Волонтерите се согласуваат дека исклучителната солидарност во земјата е единствената позитивна работа во кризата. А, фактот дека Германија и другите европски земји сега, исто така, нудат своја помош и' дава на оваа солидарност дополнителна сила.
Вухан: Една година по избувнувањето на пандемијата
На крајот на 2019 се појавија првите извештаи а на почетокот на 2020 кинескиот град Вухан стана озлогласен како прво жариште на коронавирусот во светот. Како е сега таму, една година потоа?
Фотографија: Aly Song/REUTERS
Рамо до рамо на преполните пазари
Вухан беше во карантин околу 11 недели откако стана првото глобално жариште на коронавирусот. До средината на мај 50.000 од 80.000 од официјалните случаи на заразата во Кина беа во Вухан. Но, сега животот речиси е вратен во „нормала“ на преполните улични пазари во градот.
Фотографија: Aly Song/REUTERS
Танцување на улиците
За време на карантинот, на жителите не им беше дозволено ниту да ги напуштат своите домови. Сега, тие дури можат да танцуваат заедно во парковите. Според новинската агенција Ројтерс, таму веќе со месеци нема локално пренесување на вирусот.
Фотографија: Aly Song/REUTERS
Нулта точка на коронавирусот?
Зеленчук, риба и месо - дури и диви животни - сето тоа се продаваше на овој покриен пазар. Но, тој ги затвори портите на 1 јануари 2020 година, откако започна да се шири мистериозното заболување на белите дробови и неговото потекло беше пронајдено на пазарот. Научниците сè уште не ја утврдија точната улога на пазарот во ширењето на вирусот, ако воопшто имаше улога.
Фотографија: Getty Images/AFP/N. Celis
Егзистенцијата на рестораните е изложена на ризик
Пред пандемијата, Лаи Јун поголемиот дел од производите за неговиот јапонски ресторан ги купувал во покриениот пазар. „Ги испраќав децата на училиште, појадував, а потоа одев на пазар“, вели 38-годишникот. Од повторното отворање во јуни, тој морал да оди на друго место - а некои од состојките сега чинат петпати повеќе. „Наша цел за наредната година е едноставно да преживееме“, вели тој за ДВ.
Фотографија: Aly Song/REUTERS
Нема повеќе свежа стока
Иако пазарот на приземјето сè уште е затворен, вториот кат е повторно отворен. Но, поголемиот дел од продавниците продаваат очила и други специјализирани производи за оптичари. „Некои луѓе можеби имаат чудно чувство, но сега е само празна зграда“, вели за ДВ една од продавачките, која не сакаше да го каже своето име.
Фотографија: Aly Song/REUTERS
Продавачите се префлија на улиците
Од затворањето на пазарот, некои луѓе почнаа да продаваат месо и друга свежа стока на улиците. Дури и ако продавачите носат маски и ракавици, некои велат дека условите не се во согласност со одредени хигиенски стандарди. Во екот на пандемијата на коронавирусот покриениот пазар беше критикуван поради лошите здравствени и санитарни прописи.
Фотографија: Aly Song/REUTERS
Кловн без маска- заштитна
Повеќето жители на Вухан носат маски на јавни места, особено затоа што коронавирусот не е исчезнати имала одреден број нови случаи на други места во Кина. „Многу луѓе почнаа да складираат маски, средства за дезинфекција и друга заштитна опрема“, изјави за ДВ, 29-годишниот учител по англиски јазик Јен.
