Историскиот пад на ЦСУ во Баварија ja упатува на потрага по коалициски партнер. Како логичен избор се наметнуваат Слободните избирачи. Не сте слушнале за нив? Не слушнале ни поголемиот број Германци.
Фотографија: Getty Images/S. Gallup
Реклама
Каква партија е тоа и кој е заслужен за нејзиниот успех? Слободни избирачи. Така се викаат. Во името не им пишува ни дека се „христијански“, ни „социјални“, ниту пак „демократски“. Бојата во спектарот политички партии- е непозната. Ниту се претставуваат како „алтернатива“ некому или на нешто.
Во поголемиот дел на Германија луѓето едвај и да слушнале за нив. Каква партија е тоа која на изборите во Баварија во неделата доби дури 11,6 насто гласа, па сега би можела да стане партнер во власта во најбогатата германска покраина? Одоворот може да се даде во два збора: Хубер Ајвангер. Тој е носител на листата на Сободните избирачи. На некој начин тој е целата партија.
Конзервативни, но различни
Слободните избирачи се закотвени во Баварија и во соседната и нешто помалку богата покраина Баден-Виртемберг. Особено се јаки во селските предели. Единствениот покраински парламент во кој се застапени е токму баварскиот, но неделниот резултат им е рекорд. За првпат таму влегоа во 2008 година со 10,2 отсто гласа, па тоа го повторија во 2013 година со 9 насто. Бројат само 4.500 члена.
Фотографија: Reuters/L. Barth-Tuttas
Тие се конзервативни, исто како и вечните баварски владетели, Христијанско-социјалната унија (ЦСУ). Се залагаат за традицијата, сакаат да ги поттикнат дијалектите и во училиштата да се учи за родниот крај и за татковината.
Во бегалската политика, која со волја на ЦСУ стана доминатна тема на покраинските избори, Сободните избирачи не се разликуваат многу од водечката партија. И тие сакаат засилени гранични контроли, помалку доселувања на бегалски семејства, консеквентни депортирања и побрзи одлуки за азил.
Со тоа Слободните избирачи станаа алтернатива за гласачите на ЦСУ на кои десничарската Алтернатива за Германија (АфД) им е сепак премногу радикална. Така Слободните избирачи се главна причина што АфД за првпат влезе во баварскиот Ландтаг со двоцифрен резултат (10,2 насто), но сепак помалку отколку што се надеваше.
Додуша, Слободните избирачи имаат теми во кои значително се разликуваат од ЦСУ. Тие се залагаат за бесплатни градинки, повеќе буџетски субвенции во областа за домување- но, тоа не се преголеми препреки доколу навистина се впуштат во сериозни преговори со ЦСУ.
Постои сепак црвена линија кај која договорот ќе биде потежок: Слободните избирачи со сета сила одбиваат големиот меѓународен аеродром во Минхен да се прошири и да добие и трета писта. Тоа експлицитно го напишаа во својата програма.
Фотографија: picture-alliance/dpa/L. Mirgeler
Човек-партија
И ете нѐ повторно кај Хуберт Ајвангер, кој е алфа и омега во партијата. Потребен е цел пасус да се набројат неговите функции: тој е сојузен шеф на Слободните избирачи и, исто така, шеф на Слободните избирачи во Баварија, шеф е на пратеничката група во покраинскиот парламент, а учествува во локалната власт во градот Ротенбург, како и во регионалната власт во областа Ландсхут. Ајвангер е роден 1957 година и почнал да се занимава со политика кога имал 30 години- во Слободните избирачи за кои тогаш баш никој не знаел. Наводно, секогаш сметал дека баварската ЦСУ е премногу арогатна, премногу самоуверена. И сега Ајвангер ја доведе својата партија до врвот. Но, што понатаму?
Шефот на партијата тврди оти во неговиот табор се „последните разумни конзервативци“, но сепак ја гледа ЦСУ како природен партнер. Можно е Германија да се наслуша долнобаварски дијалект кој со гордост го зборува овој хоби-ловец.
По изборите го прашаа што ќе се случи ако премиерот на Баварија, Маркус Зедер, го повика во коалиција. „Би бил подготвен. Ако тој каже 'да', тогаш одиме.“
Десет причини да ја посетите Баварија
Баварија е омилена цел на туристите во Германија. Секоја година јужната германска покраина ја посетуваат околу 7,5 милиони странци. Ова е списокот на десет знаменитости поради кои тие најчесто доаѓаат во Баварија.
Фотографија: picture-alliance/dpa
Замокот Нојшванштајн
Овој замок е туристичка мамка број 1. Секоја година го посетуваат околу 1,4 милиони луѓе. Тоа сигурно не би му се допаднало на неговиот градител, повлечениот и ексцентричен баварски крал Лудвиг Втори. Тој, кон средината на 19. век, го подигнал дворецот за да може да „побегне“ во сопствениот свет на бајките. Туристите денес сметаат дека замокот е романтичен.
Фотографија: picture-alliance/Bildagentur Huber
Октоберфест во Минхен
Минхенската народна прослава нема многу врска со романтика. Но, затоа, Октоберфест е синоним за опуштено, главно неконтролирано уживање во животот. Најголемата светска народна веселба годишно ја посетуваат речиси 6 милиони луѓе, а „копии“ на Октоберфест се организираат низ целиот свет. Но, само еден е оригинален - оној минхенскиот. Првиот „фест“ бил одржан во далечната 1810 година.
Фотографија: picture-alliance/dpa/Felix Hörhager
Ротенбург об дер Тауер
Ова гратче во Франконија е вистинска цел за љубителите на средниот век. Туристите се одушевени од тамошните куќи, градските ѕидини и одбранбените кули. За својот сегашен изглед ова место може да биде благодарно на... недостатокот на пари. Имено, по Триесетгодишната војна немало пари за обнова и модернизација. Затоа Ротенбург об дер Таубер денес е вистински бисер.
Фотографија: Fotolia/World travel images
Минхен
Баварската метропола е еден од најубавите германски градови. Првата цел на туристите е градскиот плоштад Мариенплац, на кој се наоѓа и прочуениот Градски совет, а во близина е и Фрауенкирхе (минхенската катедрала). Во Хофбројхаус навраќаат љубителите на баварското пиво и на локалната гастрономија. Треба да се посети и замокот Нимфенбург, Англиската градина и Германскиот музеј.
Фотографија: Fotolia/sborisov
Бајерн
Минхен е секако и седиште на најуспешниот германски фудбалски тим. Бајерн како домаќин настапува на Алијанц арената, еден од најмодерните стадиони во светот. Доколку не успеете да дојдете до билети (тие се редовно распродадени) за натпреварите на германскиот рекордер по број на титули, препорачуваме во најмала рака туристички да го посетите стадионот и така да ја почувствувате атмосферата.
Фотографија: imago/Imagebroker
Цугшпице
Во Баварија се наоѓа и највисокиот планински врв во Германија - Цугшпице. Висок е 2.962 метри. Не мора да се плашите од напорот да стигнете на врвот за да уживате во прекрасниот поглед на Алпите. До Цугшпице можете да стигнете и со жичарница или со воз.
Фотографија: DW
Кенигзе
Ова езеро важи за „кралско“ во огромната конкуренција од околу 200 баварски езера. Кристално чиста вода, прекрасни кулиси, атмосфера како во бајка... Со помош на еколошките чамци на електричен погон, туристите уште од 1909 година стигнуваат до црквата на Св. Вартоломеј.
Фотографија: Fotolia/AndreasEdelmann
Опера во Бајројт
На листата на УНЕСКО на заштитено културно наследство се најде и оперската куќа на грофицата Вилхелмина, а не светски познатата фестивалска оперска куќа на Вагнер. Со тоа бројот на баварски културни атракции на списокот на УНЕСКО се искачи на седум. Операта е изградена во 1744 година и важи за еден од најубавите и најсочуваните барокни театри во Европа.
Фотографија: dapd
Кристкиндлесмаркт во Нирнберг
Секогаш се исплатува да се посети Нирнберг, вториот по големина град во Баварија. Мнозинството гости доаѓаат во декември, на Кристкиндлесмаркт. Секоја година тој божиќен пазар, еден од најстарите и најпознатите во светот, го посетуваат повеќе од два милиона луѓе. Греано вино и медени колачиња можете да пробате на кој било божиќен пазар, но каде на друго место ќе го сретнете „малиот Исус“?
Фотографија: picture-alliance/dpa/Daniel Karmann
Баварското гостопримство
Не е случајно што токму баварците ги измислиле „пивските градини“ (Биргартен). Некогаш пивото се чувало о ладело во сенките од крошните на големите дрвја, а потоа тука, на лице место, и се точело. Пивото најмногу годи на отворено и во друштво на пријатели. Во Баварија денес има околу 800 пивски градини, а гостите од целиот свет се добредојдени!