На почетокот на Конгресот на Евангелската црква на Германија во Келн, претставници на седум светски религии упатија апел до шефовите на држави и влади на Самитот на Групата Г8 да преземат решителни мерки во борбата против гладот и сиромаштијата во светот. Сегашните размери на сиромаштија се вистински скандал за човештвото, се вели во изјавата што беше потпишана вчера во Келн. На отворањето шефот на германската дипломатија Франк Валтер Штајнмајер порача дека навлегувањето на економијата во сите подрачја на животот го исполнува со загриженост.