Коронавирусот може да му се удри од глава на Доналд Трамп
БГ /АП
13 март 2020
Американскиот претседател е соочен со една од најтешките закани за неговата политичка кариера поради пандемијата на коронавирусот. Лошиот менаџмент на кризата и ударот врз економијата можат да го загрозат.
Фотографија: Reuters/D. Mills
Реклама
Американските берзи кои Трамп ги претставуваше како пример за неговата успешна политика паднаа на историски ниско ниво само еден ден откако тој се обиде да ги смири стравовите на Американците со ветување за економски стимул и 30 дневна патувачка забрана за европејците.
Некои републиканци се загрижени дека тоа е премалку и предоцна за администрацијата која со недели го минимизираше ризикот од Ковид-19,коронавирусот од кој досега починаа најмалку 39 Американци.
„Минимизирањето и политизирањето на вирусот од страна на претседателот ќе го наруши неговиот кредибилитет и ќе ги натера луѓето да се сомневаат во подготвеноста на администрацијата се до денот додека заканата не помине“, вели Мајк Духајм, републикански стратег.
„Најголемата сила на претседателот беше економијата. Доколку берзите продолжат да паѓаат, а обичните луѓе да страдаат финансиски, тоа ќе му биде политички проблем“.
Минатиот месец Трамп триумфално најави победа во битката за импичмент во Сенатот и се чинеше подготвен да го јавне бранот на добрата економија соочен со демократските кандидати кои беа поделени во однос на нивниот кандидат за претседател. Но нештата брзо се сменија. Демократите се обединуваат околу Џо Бајден, а тој деновиве ја искористи шансата да ја критикува администрацијата на Трамп поради справувањето со кризата со коронавирусот.
„Поради би бил Џо Бајден одошто Трамп во моментов“, вели републиканец близок до Белата Куќа. „До пред еден месец Трамп мислеше дека ќе се соочи со Берни Сандерс засилен со растечка економија и раст во анкетите по импичментот. Коронавирусот не може да има позитивно влијание“.
Кои фирми профитираат од коронавирусот
Стравот од коронавирусот тешко ги погодува финансиски пазари. Кога компаниите мора да ги коригираат своите прогнози за добивка и промет надолу, тоа е отров за курсот на акциите. Но, сепак има и такви кои профитираат.
Кога во последната недела од февруари курсот на акциите ширум светот драматично падна, акциите на платформата за видео стриминг успешно се спротиставија на трендот. Аналитичарите сметаат дека т.н. „останете дома“ акции , како оние на „Нетфликс“ можат да им обезбедат богатство на инвеститорите за време на појавата на коронавирусот, бидејќи на сѐ повеќе луѓе им се вели да останат дома.
Фотографија: picture-alliance/AA/M.E. Yildirim
„Откачете“ го фитнес-клубот
Акциите на фитнес старт-апот Пелотон Интерактив, кој произведува велосипеди за вежбање и, исто така, нуди фитнес часови преку интернет, скокнаа бидејќи стравот од коронавирусот може да поттикне многу фитнес ентузијасти да не одат во своите теретани и клубови и да се одлучат за понудите на Пелотон.
Шефот на фармацевската компанија „Модерна“, Стефан Банкелза кусо време стана милијардер откако компанијата испорача експериментална вакцина против коронавирусот за клиничко тестирање кај луѓето, со што се зголеми цената на нејзините акциите. И Лим Ви Чаи од Малезија, мнозински акционер во фирмата за медицински ракавици „Топ Глав“, влезе во клубот на милијардери среде избувнувањето на вирусот.
Останете дома, останете поврзани
Акциите на телеконференцискиот старт-ап „Зум Видео“ пораснаа речиси за 50% од февруари, откако инвеститорите проценија дека сѐ повеќе луѓе поради стравот од коронавирусот ќе работат од дома. Компанијата веќе придодаде повеќе активни корисници годинава - 2,22 милиони - отколку во целата 2019 година.
Фотографија: zoom.us
Празни полици во супермаркетите
Во супермаркетите, како германскиот „Реве“ и францускиот „Карфур“, прехранбените производи „летаат“ од полиците додека купувачите во паника ги зголемуваат домашните залихи. Затоа инвеститорите засилено вложуваат во акциите на компаниите за пакувана храна. И онлајн трговците, како Амазон, исто така, имаат поголема побарувачка, бидејќи купувачите поради страв од вирусот ги избегнуваат продавниците.
Произведувачите на маски за лице, дезинфекциски средства за раце и дезинфекциски марамчиња се сведоци на огромен раст на побарувачката, бидејќи купувачите бараат начини да се заштитат од вирусот кој брзо се шири. Фирмата „3M“, која меѓу останатото произведува и маски за лице, е една оние со најголема добивка.
Фотографија: picture-alliance/NurPhoto/Yichuan Cao
„Во секое време, насекаде“
Германската софтверска компанија „ТимВјуер“ која им овозможува на корисниците да работат од далечина (од дома), е сведок на голема побарувачка на нејзините услуги, особено во Кина, епицентарот на коронавирусот. На Франкфуртската берза цената на акциите на оваа компанија забележа огромен раст во изминатите неколку дена.
Фотографија: picture-alliance/B. Kammerer
7 фотографии1 | 7
Од кампањата на Трамп ја бранат политиката на претседателот и го обвинуваат Бајден дека се обидува „политички да профитира и да ги плаши граѓаните“.
Растечката опасност од коронавирусот во четвртокот (12.03) го натера Трамп да го смени курсот и да ги запре своите големи митинзи.
„Безбедноста, сигурноста и здравјето на американскиот народ е главен приоритет на претседателот Трамп сега“, соопштија од неговата кампања.
Друг републикански стратег вели дека справувањето со коронавирусот му предизвикува штета на Трамп сега, но дека е премногу рано да се прават долгорочни политички проценки. Последните анкети покажуваат дека 55% не го поддржуваат Трамп, додека 40% и даваат поддршка на неговата политика, што е на линија со претходните истражувања.
