Во Германија досега се потврдени повеќе од 1.100 случаи на новиот коронавирус, но има само две жртви, далеку помалку од другите европски држави со сличен број пријавени инфекции.
Фотографија: Reuters/W. Rattay
Реклама
Експертите велат дека брзото тестирање, уште со појавата на вирусот и овозможило на Германија да дијагностицира далеку поголем процент на инфицирани, вклучително и на помлади пациенти кај кои е далеку помала шансата за посериозни компликации. Тоа им даде шанса на надлежните да го ограничат вирусот, и повеќе време да се подготват за него.
„Ние во Германија едноставно бевме во првите редови што се однесува до дијагностиката“, вели Кристијан Дростен, директор на Институтот за вирологија во берлинската болница Шарите.
Денеска беа потврдени првите два смртни случаи во Германија од коронавирусот. Се работи за едно 89-годишно лице од градот Есен и 78-годишно од Хајнсберг.
Во Франција досега се пријавени сличен број случаи- малку над 1.200- но таму веќе има 19 жртви, додека во Шпанија евидентирани се 25 жртви на помалку од 1.000 случаи.
Дростен вели дека густата германска мрежа на независни лаборатории добила и технички информации за спроведување на неопходните тестови, но и право да бара наплата за нив уште во јануари, кога бројот на случаи во Германија беше многу мал.
„Комбинацијата на овие ефекти, и притоа многу сум сигурен во ова, ни дадоа огромна предност во препознавањето на епидемијата во Германија“, вели Дростен.
За разлика од другите земји, каде националните лаборатории имаа монопол на тестирањето, децентрализираниот германски систем им помогна на лекарите брзо да утврдат дали во некој сомнителен случај се работи за новиот вирус или за обична настинка, која може да има слични симптоми.
„Другите земји загубија цел месец или повеќе поради тоа“, вели Дростен.
Сепак, Лотар Вилер, првиот човек на Роберт Кох Институт, германскиот национален центар за контрола на болести, предупредува дека и во неговата земја ќе се зголемува бројот на смртни случаи.
И Меркел не доби рака од министерот Зехофер
00:19
This browser does not support the video element.
Нискиот број на компликации во однос на вкупниот број на заболени делумно е резултат и на типот на луѓе кои биле дијагностицирани, вели тој, правејќи споредба со Италија каде меѓу 9.172 заболени има 463 смртни случаи.
„Факт е дека старосната структура на оние кои починаа во Италија е околу 80 години. Многу млади луѓе кои се исто така инфицирани не се откриени“, тврди Вилер.
Во Германија, средната возраст на оние инфицирани со Ковид-19 е околу 40 години. „Со нашето тестирање ги идентификувавме луѓето кои се инфицирани уште во почетната фаза, кога не беа сериозно болни“, вели Вилер.
Германската канцеларка Ангела Меркел најави нови остри мерки кои треба да помогнат да се забави ширењето на вирусот.
Во последните денови, властите ги засилија мерките на карантин, затворија бројни училишта и ги повикаа фудбалските клубови да ги играат своите мечеви зад затворени врати. Од понеделникот (09.03.2020) дури и во германскиот Рајхтсаг се забранети посетители.
„Сето тоа е неопходно“, рече Меркел.
„Работиме за вредно време, време во кое научниците можат да ги истражат лековите и вакцината“, рече таа.
Кои фирми профитираат од коронавирусот
Стравот од коронавирусот тешко ги погодува финансиски пазари. Кога компаниите мора да ги коригираат своите прогнози за добивка и промет надолу, тоа е отров за курсот на акциите. Но, сепак има и такви кои профитираат.
Кога во последната недела од февруари курсот на акциите ширум светот драматично падна, акциите на платформата за видео стриминг успешно се спротиставија на трендот. Аналитичарите сметаат дека т.н. „останете дома“ акции , како оние на „Нетфликс“ можат да им обезбедат богатство на инвеститорите за време на појавата на коронавирусот, бидејќи на сѐ повеќе луѓе им се вели да останат дома.
Фотографија: picture-alliance/AA/M.E. Yildirim
„Откачете“ го фитнес-клубот
Акциите на фитнес старт-апот Пелотон Интерактив, кој произведува велосипеди за вежбање и, исто така, нуди фитнес часови преку интернет, скокнаа бидејќи стравот од коронавирусот може да поттикне многу фитнес ентузијасти да не одат во своите теретани и клубови и да се одлучат за понудите на Пелотон.
Шефот на фармацевската компанија „Модерна“, Стефан Банкелза кусо време стана милијардер откако компанијата испорача експериментална вакцина против коронавирусот за клиничко тестирање кај луѓето, со што се зголеми цената на нејзините акциите. И Лим Ви Чаи од Малезија, мнозински акционер во фирмата за медицински ракавици „Топ Глав“, влезе во клубот на милијардери среде избувнувањето на вирусот.
Останете дома, останете поврзани
Акциите на телеконференцискиот старт-ап „Зум Видео“ пораснаа речиси за 50% од февруари, откако инвеститорите проценија дека сѐ повеќе луѓе поради стравот од коронавирусот ќе работат од дома. Компанијата веќе придодаде повеќе активни корисници годинава - 2,22 милиони - отколку во целата 2019 година.
Фотографија: zoom.us
Празни полици во супермаркетите
Во супермаркетите, како германскиот „Реве“ и францускиот „Карфур“, прехранбените производи „летаат“ од полиците додека купувачите во паника ги зголемуваат домашните залихи. Затоа инвеститорите засилено вложуваат во акциите на компаниите за пакувана храна. И онлајн трговците, како Амазон, исто така, имаат поголема побарувачка, бидејќи купувачите поради страв од вирусот ги избегнуваат продавниците.
Произведувачите на маски за лице, дезинфекциски средства за раце и дезинфекциски марамчиња се сведоци на огромен раст на побарувачката, бидејќи купувачите бараат начини да се заштитат од вирусот кој брзо се шири. Фирмата „3M“, која меѓу останатото произведува и маски за лице, е една оние со најголема добивка.
Фотографија: picture-alliance/NurPhoto/Yichuan Cao
„Во секое време, насекаде“
Германската софтверска компанија „ТимВјуер“ која им овозможува на корисниците да работат од далечина (од дома), е сведок на голема побарувачка на нејзините услуги, особено во Кина, епицентарот на коронавирусот. На Франкфуртската берза цената на акциите на оваа компанија забележа огромен раст во изминатите неколку дена.
