Германската канцеларка Ангела Меркел денеска најави серија чекори за олабавување на ограничувањата поради пандемијата на коронавирусот. Таа предупреди дека е мината само првата фаза од кризата.
Фотографија: Reuters/M. Sohn
Реклама
Напредокот на Германија во битката со Ковид-19 е позитивен и покрај претходното олеснување на мерките, изјави денеска Меркел. Иако бројките ги оценува како многу задоволувачки, Меркел предупредува дека е завршена само првата фаза и дека Германија има уште долг пат до победа против вирусот.
„Дојдовме до точка во која нашата цел за забавување на ширењето на вирусот е постигната и успеавме да го заштитиме нашиот здравствен систем. Оттука можно беше да се разговара и да одлучиме за натамошно олабавување на мерките“, рече Меркел.
Лица од две различни домаќинства во иднина ќе може да се среќаваат, а ќе се отворат и повеќе продавници. Притоа одржувањето социјална дистанца од 1,5 метри останува услов, како и носењето заштитни маски. Социјалното дистанцирање останува во сила до 5 јуни, а Меркел ги повика граѓаните да ги ограничат личните контакти на минимум.
„Празните столчиња“ наскоро повторно полни
00:52
This browser does not support the video element.
Мерките за заштита во Германија беа воведени во март, а стапката на репродукција на вирусот започна значително да опаѓа последниве денови, и сега е веќе постојано под 1- што значи дека еден носител на вирусот не заразува повеќе од едно друго лице во просек.
На веста за олеснувањето на мерките најмногу и се израдуваа љубителите на фудбалот кои веќе од втората половина на мај ќе имаат можност повторно да уживаат во играта иако, само преку телевизиските екрани.
Првата и втората фудбалска Бундеслига ќе бидат првите европски првенства кои ќе го продолжат натпреварувањето, секако без публика, а најверојатно уште од 15 мај. Со тоа им се излегува во пресрет и на клубовите кои бараа натпреварувањата да завршат заклучно со 30 јуни. Точниот датум кога повторно ќе се затркала фудбалската топка ќе го одредат клубови на утрешниот состанок.
Пет совети за подобро физичко и ментално здравје во корона-кризата
Вакцина нема, лек исто така. Експертите, во моментов, не се сигурни ни дека оние кои оздравеле од Ковид-19 се целосно заштитени од нова инфекција. Затоа е препорачливо јакнење на личниот имунитет среде пандемијата.
Фотографија: Fotolia
Здрава исхрана
Докажано е дека здравата исхрана го намалува ризикот од хронични болести како што се проблемите со циркулацијата, дијабетисот или со дебелината. Исто така, со здрава исхрана се намалува и ризикот од депресија и од анксиозност. СЗО потсетува - но тоа важи и без пандемија - дека треба да се остават алкохолот, цигарите и сите останати дроги
Фотографија: picture-alliance/dpa/V. Heinz
Добар сон
Додека спиеме, телото вредно работи: келиите се обновуваат, се отстрануваат отровите, се зацврстува помнењето. Како што покажаа истражувањата, недостатокот на сон влијае не само на физичката состојба, туку и на психичката. Недостатокот на сон нѐ прави поподложни на хронични болести. На поголемот број луѓе им се доволни 6 до 9 часа сон, но важно е да се спие во одреден ритам.
Фотографија: Colourbox
Движење и вежбање
Движењето го исполнува телото со „хормоните на среќа“. Тоа овозможува подобро спиење, ги намалува стресот и стравовите, го зајакнува помнењето. Движење и спорт, па макар и дома - најмалку 30 минути дневно. Тренерите велат дека не важно како ќе ги поделите тие минимални 30 минути - можеби по 10 минути наутро, напладне и навечер? Кога можете излезете на свеж воздух.
Фотографија: picture-alliance/dpa/B. pedersen
Одржување на контактите
Пријателите во овој период на социјална изолација поради коронавирусот се поважни од кога било. Социјалните мрежи се докажано добри за здравјето. Бидејќи излегувањата и собирите сега не се можни, речиси сѐ се одвива на интернет. Но, подобро така отколку никако.
Изолацијата можеби е шанса да се заборави на светот и на надворешните вести. Размислите, што сакате веќе подолго да направите но никако не стигнувате? Нешто во градината, да испробате нов рецепт, да научите да плетете, да прочитате некоја книга која веќе подолго ве гледа обвинувачки од полицата? Сега е идеално време за тоа.
