Коронавирус: Милиони итна помош од ЕУ за Западен Балкан
СН/агенции
30 март 2020
Европска унија издвои 38 милиони евра помош за Западен Балкан за сузбивање на епидемијата со коронавирусот и за набавка на медицинска опрема, како вентилатори, маски и заштитна опрема, соопшти Европската комисија.
Фотографија: picture-alliance/Photoshot/Qian Yi
Реклама
Како дел од глобалниот одговор на појавата на коронавирусот, Европската комисија објави дека ќе издвои како итна поддршка до 38 милиони евра за Западен Балкан за решавање на здравствената состојба, соопшти денеска (30 март) во Брисел, Комисијата на ЕУ .
Како резултат на тоа, ЕУ ќе им помогне на С. Македонија, Албанија, Босна и Херцеговина, Црна Гора, Косово и на Србија, да ги покријат своите непоходни потреби за медицински помагала и за опрема, како што се вентилатори, лабораториски тестови, маски, очила, наметки и заштитни костуми, за го поддржи нивното закрепнување.
ЕУ, исто така, пренасочи 374 милиони евра од претпристапните фондови за да го помогне општествено-економското закрепнување на западнобалканското подрачје, изјави Ана Писонеро, портпаролка на еврокомесарот за проширување Оливер Вархеи.
Тоа вклучува, како што истакна Писонеро, особено потпора за приватниот економски сектор, подобрување на социјалната заштита, со посебна заштита на ранливата група од населението, како и зајакнување на отпорноста во здравството.
Упатства: Како да се заштитите од коронавирус
Луѓето ширум светот ставаат заштитни маски за дишење за да спречат вирусна инфекција. Сепак, други мерки се поефикасни. Еве неколку совети засновани на упатствата на СЗО.
Фотографија: Getty Images/X. Chu
Подобро од ништо
Не е докажано дека маските за лице можат ефикасно да ве заштитат од вирусни инфекции. Овие маски веројатно се во можност да фатат некои микроби пред да стигнат до устата или носот. Но уште поважно е тоа дека тие ги спречуваат луѓето да ги допираат устата или носот (што повеќето луѓе го прават инстинктивно). Ако веќе сте болни, таквите маски може да спречат да не заразувате други.
Фотографија: Getty Images/Stringer
Дезинфицирајте ги рацете
Во својот список на препораки како да се заштитите од зарази, Светската здравствена организација не споменува маски за лице. На врвот е често миењето на рацете. СЗО препорачува дезинфекциско средство за рацете на база на алкохол, како на фотографијата, кои најчесто ги гледаме во болниците
Фотографија: picture-alliance/dpa/S. Pilick
И сапун и вода ќе завршат работа
Поедноставното секојдневно решение се водата и сапунот, ако ги имате при рака. Но, проверете дали темелно ги миете рацете...
Фотографија: picture alliance/dpa/C. Klose
Кашлање и кивање - но направете го тоа правилно!
Еве што препорачуваат лекарите: Кога кашлате и кивате, покријте ја устата и носот со вашиот подигнат лакот. Или користете книжни марамчиња - но потоа веднаш фрлете го марамчето и измијте ги рацете. А кошулата или џемперот? Не, нив не мора да ги фрлите. Но, перете ги често или однесете ги на хемиско чистење.
Фотографија: Fotolia/Brenda Carson
Стојте подалеку!
Друга препорака која можеби не функционира за сите: Избегнувајте близок контакт со секој кој има треска и кашлица! Ако треба да имате контакт со болни луѓе, погрижете се да преземете дополнителни заштитни мерки.
Фотографија: picture alliance/empics
Имате треска? Одете на лекар, а не на патување!
Ако имате треска, кашлица и отежнато дишење, побарајте лекарска помош навреме. Избегнувајте јавни места за да не ги инфицирате другите. И, исто така, објаснете му на вашиот лекар каде претходно сте патувале.
Фотографија: Reuters/P. Mikheyev
Избегнувајте контакт!
При посета на сточни и зелени пазари во области во кои во моментот има случаи на новиот коронавирус, избегнувајте директен незаштитен контакт со живи животни. Тоа исто така вклучува какви било површини кои се во контакт со животни.
Фотографија: DW
Добро термички обработено - не сурово!
Варете,печете и пржете го месото темелно. Потребно е да се избегне конзумирање на сурови, недоволно термички обработени производи од животинско потекло. Со суровото месо, млекото или животинските органи треба да се постапува внимателно за да се избегне инфицирање од термички необработена храна. Овие се добри практики за безбедност на храната и помагаат да се спречи ширењето на болести.
Фотографија: picture-alliance/Ch. Mohr
8 фотографии1 | 8
Времето е од суштинско значење, велат експертите, а Западен Балкан е помалку отпорен да се справи со тековната криза и со нејзините последици, и му е потребна силна меѓународна поддршка. Заклучно со 29 март, бројот на пријавени случаи од Ковид-19 во шесте држави од Западен Балкан надмина 1.000, при што Србија бележи најмногу, 741 регистрирани случаи и 14 пријавени смртни случаи, додека пак во Македонија има 285 заболени и 7 починати.
Претставничката за печат во Европската комисија соопшти дека ЕУ, исто така, издвоила 140 милиони евра за најнужните потреби за земјите од соседството, Ерменија, Белорусија, Азербеџан, Грузија, Молдавија и Украина, а од своите фондови ќе пренасочи околу 700 милиони евра за да се намалат општествено-економските последици во овие земји.
