СЗО смета дека состојбата во Европа со коронавирусот е стабилна. На некои места гледа дури и тренд на подобрување. Но, со оглед на попуштањето на рестрикциите, шефот на СЗО, Тедрос, предупредува да се биде внимателен.
Фотографија: Getty Images/AFP
Реклама
Западна Европа можеби веќе го има оставено зад себе најлошиот период во ширењето на коронавирусот, проценува Светската здравствена организација (СЗО). „Кај епидемиите во Западна Европа гледаме стабилност или тренд на подобрување“, изјави шефот на СЗО, Тедрос Аданом Гебрејесус во Женева. Меѓутоа, според него, треба да се биде внимателен при укинувањето на мерките за ограничување на движењето, кои успешно го забавија ширењето на вирусот.
Рано откривање на инфекциите
Епидемиите би можеле лесно повторно да избувнат. Затоа новите инфекции би морале да бидат рано откривани, инфицираните лица да бидат изолирани, а луѓето со кои тие биле во контакт да бидат ставени во карантин, предупредува СЗО. Во Германија и други земји во Европа во претходните денови беа олабавени дел од мерките преземени за спречување на ширењето на пандемијата.
Што се однесува до состојбата во источна Европа, централна и јужна Америка, Тедрос смета дека таа е загрижувачка. „Повеќето земји се и натаму во раниот стадиум на епидемијата.“ Три четвртини до земјите имаат планови за справување со заразата, но само помалку од половината од нив имаат планови како да се спречат нови инфекции, правила за хигиена и информативни кампањи. Во дел од земјите кои беа рано погодени од вирусот, сега тој повторно се шири.
„Нема дилема, пред нас е долг пат. Со вирусот ќе се занимаваме уште долго време“, прогнозира Тедрос. Според податоци на СЗО, од Ковид-19 во светот заболеле 2,5 милиони луѓе. Од нив околу 160.000 се починати.
Пет совети за подобро физичко и ментално здравје во корона-кризата
Вакцина нема, лек исто така. Експертите, во моментов, не се сигурни ни дека оние кои оздравеле од Ковид-19 се целосно заштитени од нова инфекција. Затоа е препорачливо јакнење на личниот имунитет среде пандемијата.
Фотографија: Fotolia
Здрава исхрана
Докажано е дека здравата исхрана го намалува ризикот од хронични болести како што се проблемите со циркулацијата, дијабетисот или со дебелината. Исто така, со здрава исхрана се намалува и ризикот од депресија и од анксиозност. СЗО потсетува - но тоа важи и без пандемија - дека треба да се остават алкохолот, цигарите и сите останати дроги
Фотографија: picture-alliance/dpa/V. Heinz
Добар сон
Додека спиеме, телото вредно работи: келиите се обновуваат, се отстрануваат отровите, се зацврстува помнењето. Како што покажаа истражувањата, недостатокот на сон влијае не само на физичката состојба, туку и на психичката. Недостатокот на сон нѐ прави поподложни на хронични болести. На поголемот број луѓе им се доволни 6 до 9 часа сон, но важно е да се спие во одреден ритам.
Фотографија: Colourbox
Движење и вежбање
Движењето го исполнува телото со „хормоните на среќа“. Тоа овозможува подобро спиење, ги намалува стресот и стравовите, го зајакнува помнењето. Движење и спорт, па макар и дома - најмалку 30 минути дневно. Тренерите велат дека не важно како ќе ги поделите тие минимални 30 минути - можеби по 10 минути наутро, напладне и навечер? Кога можете излезете на свеж воздух.
Фотографија: picture-alliance/dpa/B. pedersen
Одржување на контактите
Пријателите во овој период на социјална изолација поради коронавирусот се поважни од кога било. Социјалните мрежи се докажано добри за здравјето. Бидејќи излегувањата и собирите сега не се можни, речиси сѐ се одвива на интернет. Но, подобро така отколку никако.
Изолацијата можеби е шанса да се заборави на светот и на надворешните вести. Размислите, што сакате веќе подолго да направите но никако не стигнувате? Нешто во градината, да испробате нов рецепт, да научите да плетете, да прочитате некоја книга која веќе подолго ве гледа обвинувачки од полицата? Сега е идеално време за тоа.