Со ширењето на коронавирусот низ светот, се поставува прашањето што значи неговото дефинирање за светските здравствени системи во обидот да се справат со болеста?
Фотографија: picture-alliance/dpa/E. Noroozi
Реклама
Светската здравствена организација (СЗО) се уште не ја означила појавата на болеста, која започна во Кина кон крајот на минатата година, како пандемија. Сепак таа предупреди дека треба да се подготвуваме за такво нешто.
СЗО ја дефинира пандемијата како ситуација во која „целото светско население може да биде изложено на инфекцијата и потенцијално, дел од луѓето да се разболат“, вели нејзиниот директор за итни ситуации Мајкл Рајан.
Шефот на СЗО Тедрос Аданом Гебрејесус вели дека земјите треба да сторат се што можат „за да се подготват за потенцијална пандемија“.„Во моментов не сведочиме на неконтролирано глобално ширење на вирусот и не сведочиме на голем број на жртви“, вели Тедрос.
Иако бројката на нови случаи во Кина опаѓа последниве недели, бројот на заразени се зголемува во други земји. Меѓу нив се Јужна Кореја, каде 1.100 луѓе се заразени, и Италија- со 300 потврдени случаи.
Упатства: Како да се заштитите од коронавирус
Луѓето ширум светот ставаат заштитни маски за дишење за да спречат вирусна инфекција. Сепак, други мерки се поефикасни. Еве неколку совети засновани на упатствата на СЗО.
Фотографија: Getty Images/X. Chu
Подобро од ништо
Не е докажано дека маските за лице можат ефикасно да ве заштитат од вирусни инфекции. Овие маски веројатно се во можност да фатат некои микроби пред да стигнат до устата или носот. Но уште поважно е тоа дека тие ги спречуваат луѓето да ги допираат устата или носот (што повеќето луѓе го прават инстинктивно). Ако веќе сте болни, таквите маски може да спречат да не заразувате други.
Фотографија: Getty Images/Stringer
Дезинфицирајте ги рацете
Во својот список на препораки како да се заштитите од зарази, Светската здравствена организација не споменува маски за лице. На врвот е често миењето на рацете. СЗО препорачува дезинфекциско средство за рацете на база на алкохол, како на фотографијата, кои најчесто ги гледаме во болниците
Фотографија: picture-alliance/dpa/S. Pilick
И сапун и вода ќе завршат работа
Поедноставното секојдневно решение се водата и сапунот, ако ги имате при рака. Но, проверете дали темелно ги миете рацете...
Фотографија: picture alliance/dpa/C. Klose
Кашлање и кивање - но направете го тоа правилно!
Еве што препорачуваат лекарите: Кога кашлате и кивате, покријте ја устата и носот со вашиот подигнат лакот. Или користете книжни марамчиња - но потоа веднаш фрлете го марамчето и измијте ги рацете. А кошулата или џемперот? Не, нив не мора да ги фрлите. Но, перете ги често или однесете ги на хемиско чистење.
Фотографија: Fotolia/Brenda Carson
Стојте подалеку!
Друга препорака која можеби не функционира за сите: Избегнувајте близок контакт со секој кој има треска и кашлица! Ако треба да имате контакт со болни луѓе, погрижете се да преземете дополнителни заштитни мерки.
Фотографија: picture alliance/empics
Имате треска? Одете на лекар, а не на патување!
Ако имате треска, кашлица и отежнато дишење, побарајте лекарска помош навреме. Избегнувајте јавни места за да не ги инфицирате другите. И, исто така, објаснете му на вашиот лекар каде претходно сте патувале.
Фотографија: Reuters/P. Mikheyev
Избегнувајте контакт!
При посета на сточни и зелени пазари во области во кои во моментот има случаи на новиот коронавирус, избегнувајте директен незаштитен контакт со живи животни. Тоа исто така вклучува какви било површини кои се во контакт со животни.
Фотографија: DW
Добро термички обработено - не сурово!
Варете,печете и пржете го месото темелно. Потребно е да се избегне конзумирање на сурови, недоволно термички обработени производи од животинско потекло. Со суровото месо, млекото или животинските органи треба да се постапува внимателно за да се избегне инфицирање од термички необработена храна. Овие се добри практики за безбедност на храната и помагаат да се спречи ширењето на болести.
Фотографија: picture-alliance/Ch. Mohr
8 фотографии1 | 8
„Она што го гледаме се епидемии во различни делови на светот, кои што влијаат врз земјите на различни начини и бараат специфичен одговор“, изјави Тедрос.
СЗО досега не ја ажурираше својата дефиниција на појавата од 30 јануари кога ја класифицираше како „здравствена вонредна состојба од меѓународен интерес“.
Според стариот систем на предупредување, кој имаше 6 нивоа на алармирање, СЗО веќе можеше да почне да го нарекува коронавирусот „пандемија“, збор кој потекнува од античкиот грчки "pan demos" или сите луѓе.
Според Барат Панканиа од Универзитетот во Егзетер, Англија, коронавирусот е веќе пандемија во се освен во името.
„Прашање на време е кога СЗО ќе почне да го користи терминот во комуникацијата“, вели Панканиа.
Тедрос веќе посочи дека зборот пандемија во моментов не одговара на фактите, но во секој случај ќе предизвика страв. „Сега не е време за фокусирање на тоа кој збор ќе го користиме“, вели шефот на СЗО. Тедрос додава дека дури и да се прогласи пандемија, самиот збор „нема да спречи ниту една инфекција денес, ниту ќе спаси нечиј живот утре“.
