Пушачите поретко се разболуваат од Ковид-19. Научен тим од Јапонија открива како чадот од цигарите влијае врз клетките и зошто, и покрај тоа, пушењето не е добра идеја.
Фотографија: AFP/I. Fassbender
Реклама
Дали пушењето штити од инфекција со коронавирус? Од почетокот на пандемијата, ова прашање предизвикува жестока научна дебата. Да, добро прочитавте: од самиот почеток на пандемијата, многу студии заклучија дека пушењето најверојатно го намалува ризикот од инфекција со коронавирус, што ги натера пушачите да се опуштат.
Една француска студија, на пример, ги анализираше податоците за пациенти заразени со коронавирус во болница во Париз и откри дека само 5% од пациентите биле пушачи, односно значително помалку отколку кај општата популација, во која пушачите се 25 проценти. Овој т.н „парадоксот на пушачите“ се истакнува и во различни други студии. Но, досега, причината за тоа не е јасна.
Како делува чадот врз вирусот?
Меѓутоа, сега, научниците од Хирошима успеаја да направат чекор напред. Тие го испитуваа местото на пенетрација на коронавирусот во ќелијата - т.н. „влезен протеин" ACE2, кој служи како рецептор за SARS-CoV-2. Целта на експериментот беше да се открие под кои услови клетките го зголемуваат или намалуваат производството на ACE2.
Забрана за пушење - неопходна заштита или хистерија?
02:00
This browser does not support the video element.
Кеиџи Танимото и неговиот тим прво пребаруваа клетки со особено големо количество ACE2 на површината и на тој начин дојдоа до т.н. HepG2 клетки. Во експериментот, овие клетки беа подложени на различни количества екстракт од чад од цигара во период од 24 часа, и на тој начин беше направено изненадувачко откритие: колку повеќе чад од цигара, толку помалку ACE2 создале клетките, т.е. толку помалку влезни порти останале за вирусот.
Јапонските научници го објаснуваат ова со полициклични ароматични јаглеводороди (ПАК) кои ги содржи чадот од цигара. Ова се супстанции кои можат да предизвикаат рак, но рецепторот активиран од нив за време на експериментот беше идентификуван како важен фактор за намалување на ACE2.
Барем во лабораторија, се чини дека чадот од цигарите навистина ја спречува пенетрацијата на SARS-CoV-2 во клетките, а со тоа и инфекцијата, под услов полицикличните ароматични јаглеводороди содржани во него да го ограничат просторот за да се смири вирусот.
Дали треба да почнеме да пушиме?
Не! Од заклучоците на јапонските научници не може да се изведе препорака за пушење. Вон овие наоди, пушачите се многу повеќе изложени на ризик од сериозно заболување од Ковид-19. Според СЗО, пушачите имаат 40%-50% поголем ризик од тешки болести и смрт. Така што, пушењето воопшто не се препорачува.
Фамозните пушачи на филмскиот екран
Цигара во едната рака, а следната веќе чека подготвена да биде запалена: од Џејмс Дин во 1950-те до Дон Дрејпер во „Мед Мен“, ова се дел од најпознатите пушачи на филмскиот екран.
Џејмс Дин беше обожуван од цела генерација. Во „Бунтовник без причина“ од 1955, цигарата која постојано висеше на ивицата од неговата уста беше симбол за бунтот против естаблишментот. Дин беше еден од првите „лоши“ холивудски момчиња.
Фотографија: picture-alliance/akg-images
Опуштениот приватен детектив
Никој не пушеше цигара така ноншалантно како Хемфри Богарт. Во 1950-те ги заведе фановите и критичарите со улогата на приватниот детектив Филип Марлоу во „Договор со ѓаволот“. Неговата цигара е единствениот извор на светлина во мрачниот филм.
Фотографија: picture-alliance/akg-images
Гламурозната дама
До денес, „Доручек кај Тифани“ е олицетворение на гламурот на 1960-те. Цигарата беше само уште еден елегантен додаток на шапката, ракавиците и кусиот црн фустан. Во ерата на Одри Хепберн, пушењето беше општествено прифатено. Филмскиот постер ја направи Хепберн икона на едно време.
Фотографија: picture-alliance/dpa
Урбан, учтив, секси
Без разлика дали читаше весни, возеше автомобил, флертуваше или бркаше сериски убиец, Жан Пол Белмондо беше страстен пушач кој постојано палеше. Сцените како онаа погоре, го цементираа неговиот имиџ на сензуален пушач со заводлив поглед.
Фотографија: picture alliance/KPA
Елегантен господин
Цигара во една рака, пиштол во другата, и Бонд девојката во скут: накусо тоа е Џејмс Бонд. Во 2002 се водеше голема дебата околу тоа дали во филмовите за Бонд се рекламирале одредени видови цигари. Како и да е пушењето долго беше дел од идентитетот на агентот 007.
Фотографија: picture alliance/AP Images
Секси средношколка
Во „Брилијантин“, најдобрите другарки на Сенди, Розовите дами, ја советуваат како да му го привлече вниманието на Дени: дотерај се и не заборавај цигара. Како ќе изгледаше Сенди без цигарата? Веројатно исто. Но цигарата е само јаготка на шлагот.
Фотографија: picture alliance/Mary Evans Picture Library/R. Gran
Заводливата фатална жена
Во „Ефтини приказни“ (Pulp Fiction), Ума Турман ја игра улогата на сопругата на мафијашкиот бос Марселус Волас, Миа. Таа пуши страсно како и соработниците на нејзиниот маж. Цигарите, се чини, можат да бидат контрадикторни, да делуваат во исто време и секси и опасно.
Фотографија: picture alliance/KPA
„Мед Мен“
Серијата „Мед Мен“ ги врати во живот 1960-те, заедно со цигарите. Всушност, на актерите им било дозволено да пушат само хербални цигари за време на снимањето. Како и многу други филмови, и оваа серија немаше да биде иста токолку Дон и неговите колеги не палеа цигара за цигара, симболизирајќи го на тој начин пушењето стилот на таа ера.
Фотографија: picture alliance/AP Photo/M. Yarish
Храбриот каубој
Стрип јунакот од Дивиот запад, Таличниот том пука побрзо од сопствената сенка, но по секој напорен ден сака и да одмори со една цигара. Барем имаше таков обичај, додека главниотм цртач Морис не ја замени цигарата со сноп трева. Тоа му ја донесе и наградата на Светската здравствена организација во 1988.
