Додека многумина стравуваат од трет бран поради новите мутации, на глобално ниво бројките на заразени паѓаат. Ја губи ли вирусот силата или пак мерките даваат резултат?
Реклама
Со почетокот на пролетта трпението кај многумина е веќе на крај – потребно им е да заврши неизвесноста, да знаат кога постепено ќе се олабавува локдаунот, кога конечно може да сметаат на вакцинација, и кога сето ова лудило ќе заврши. Дебатата беше поттикната и од наводните изјави од СЗО за скоро завршување на корона-пандемијата. Се вели дека директорот на СЗО за Европа, Белгиецот Ханс Клуге, во интервју за данското радио рекол дека пандемијата „ќе биде надмината за неколку месеци“.
Клуге се чуствува погрешно толкуван
По жестоката дебата во научните кругови и на социјалните мрежи, Клуге со јасна изјава за германската телевизија ЗДФ: „Никогаш не го кажав тоа“. Напротив, тој вели оти рекол дека никој не може да прогнозира кога ќе заврши пандемијата.
„Би рекол – само како работна хипотеза – до почеток на 2022 година би можеле да ја имаме пандемијата зад нас“, вели директорот на СЗО за Европа. Коронавирусот нема сосема да исчезне, но тој верува дека нема повеќе да бидат потребни вакви строги мерки.
Вухан: Една година по избувнувањето на пандемијата
На крајот на 2019 се појавија првите извештаи а на почетокот на 2020 кинескиот град Вухан стана озлогласен како прво жариште на коронавирусот во светот. Како е сега таму, една година потоа?
Фотографија: Aly Song/REUTERS
Рамо до рамо на преполните пазари
Вухан беше во карантин околу 11 недели откако стана првото глобално жариште на коронавирусот. До средината на мај 50.000 од 80.000 од официјалните случаи на заразата во Кина беа во Вухан. Но, сега животот речиси е вратен во „нормала“ на преполните улични пазари во градот.
Фотографија: Aly Song/REUTERS
Танцување на улиците
За време на карантинот, на жителите не им беше дозволено ниту да ги напуштат своите домови. Сега, тие дури можат да танцуваат заедно во парковите. Според новинската агенција Ројтерс, таму веќе со месеци нема локално пренесување на вирусот.
Фотографија: Aly Song/REUTERS
Нулта точка на коронавирусот?
Зеленчук, риба и месо - дури и диви животни - сето тоа се продаваше на овој покриен пазар. Но, тој ги затвори портите на 1 јануари 2020 година, откако започна да се шири мистериозното заболување на белите дробови и неговото потекло беше пронајдено на пазарот. Научниците сè уште не ја утврдија точната улога на пазарот во ширењето на вирусот, ако воопшто имаше улога.
Фотографија: Getty Images/AFP/N. Celis
Егзистенцијата на рестораните е изложена на ризик
Пред пандемијата, Лаи Јун поголемиот дел од производите за неговиот јапонски ресторан ги купувал во покриениот пазар. „Ги испраќав децата на училиште, појадував, а потоа одев на пазар“, вели 38-годишникот. Од повторното отворање во јуни, тој морал да оди на друго место - а некои од состојките сега чинат петпати повеќе. „Наша цел за наредната година е едноставно да преживееме“, вели тој за ДВ.
Фотографија: Aly Song/REUTERS
Нема повеќе свежа стока
Иако пазарот на приземјето сè уште е затворен, вториот кат е повторно отворен. Но, поголемиот дел од продавниците продаваат очила и други специјализирани производи за оптичари. „Некои луѓе можеби имаат чудно чувство, но сега е само празна зграда“, вели за ДВ една од продавачките, која не сакаше да го каже своето име.
Фотографија: Aly Song/REUTERS
Продавачите се префлија на улиците
Од затворањето на пазарот, некои луѓе почнаа да продаваат месо и друга свежа стока на улиците. Дури и ако продавачите носат маски и ракавици, некои велат дека условите не се во согласност со одредени хигиенски стандарди. Во екот на пандемијата на коронавирусот покриениот пазар беше критикуван поради лошите здравствени и санитарни прописи.
Фотографија: Aly Song/REUTERS
Кловн без маска- заштитна
Повеќето жители на Вухан носат маски на јавни места, особено затоа што коронавирусот не е исчезнати имала одреден број нови случаи на други места во Кина. „Многу луѓе почнаа да складираат маски, средства за дезинфекција и друга заштитна опрема“, изјави за ДВ, 29-годишниот учител по англиски јазик Јен.
Фотографија: Aly Song/REUTERS
7 фотографии1 | 7
Германските виролози предупредуваат од олабавување на мерките
Во научните кругови наводниот цитат на Клуге предизвика големо несогласување. Познатиот германски виролог Кристијан Дростен на Твитер јасно ја отфрли теоријата дека вирусот веќе ослабнал: „Не, досега кај ниту една мутација нема знаци за ослабување. Тоа е чиста шпекулација“, вели Дростен. Вирологот од берлинската болница Шарите на почетокот на јануари во неговиот подкаст објасни дека ќе помине уште долго време додека вирусот стане ендемски, што би значело дека ќе остане меѓу нас, но ќе се појавува само локално. Тој во изјава за магазинот „Шпигел“ вели дека корона-ситуацијата во 2021 во одреден момент може да стане дури и поопасна.
И епидемиологот и политичар на германската Социјалдемократска партија, Карл Лаутербах е со сличен став и, како и многу политичари, предупредува од брзо олабавување на мерките. И премиерот на германската покраина Баварија, Маркус Зедер, за баварското радио предупреди да не се навлегува во таканаречена „трка на отворање“.
Пресврт на трендот во бројот на инфицирани
На глобално ниво, до крајот на февруари се регистрирани 114 милиони потврдени случаи на заразени од САРС–КоВ-2. Околу 2,5 милиони се починати, а над 64,4 милиони се оздравени.
Пандемија: Животот свртен на глава
Пред нешто повеќе од една година мистериозен нов коронавирус започна да се шири низ светот. Денес, бројот на заразени во пандемијата е над 100 милиони, а секојдневието на луѓето ширум планетата е драматично променето.
Фотографија: Flaming Lips/Warner Music/REUTERS
Колективно физичко дистанцирање
Сингапур има многу ниски стапки на инфекции со коронавирусот од октомври досега. Набљудувачите ја фалат оваа град-држава во југоисточна Азија за одржување на вирусот под контрола со внимателно следење на нејзините граѓани, делумно со апликацијата за задолжително следење. Падот на инфекциите значи дека локалното население може да посетува кино на отворено - под услов да се одржува физичка дистанца.
Фотографија: Edgar Su/REUTERS
Во Јужна Африка се шири страв
Јужна Африка е најтешко погодената африканска земја од пандемијата на коронавирусот. Овој пациент во болница во близина на Кејп Таун е еден од 1,4 милиони граѓани кои се заразени со Ковид-19. Новата варијанта на коронавирусот, позната како B.1.351 или 501Y.V2, само го зголеми стравот. Исто како и новата варијанта на британскиот вирус, се смета дека оваа јужноафриканска мутација е многу позаразна.
Фотографија: Rodger Bosch/AFP/Getty Images
„Социјално дистанцирање на сонце“
Со зголемените летни температури, многу Австралијци се во можност да уживаат во освежително пливање во океанот. Поставени се знаци за да ги потсетат посетителите на плажите да држат дистанца додека уживаат во сонцето, во обид да се спречи нов пораст на инфекции. Австралија забележа значително намалување на бројот нови случаи од септември наваму.
Фотографија: Bai Xuefei/Xinhua/imago images
Болка поради оние кои починаа
Келвија Андреа Гонкалвес (16) плаче на гробот на нејзината мајка во бразилскиот град Манаус - Андреа дос Реис Брасао почина на само 39-годишна возраст. Таа е една од безбројните жртви од Ковид-19 во градот кој остана без неопходниот кислород. Многу луѓе го обвинуваат екстремно десничарскиот претседател Жаир Болсонаро за мрачната состојба во земјата. Во Бразил од вирусот починаа над 221.000 лица.
Фотографија: Bruno Kelly/REUTERS
Што е сигурно е сигурно?
Во Хонг Конг, властите оградија цели населби без предупредување како одговор на ненадејниот пораст на инфекциите. Градот, посебен административен регион на Кина, наметна слични драконски мерки за спречување на епидемијата на вирусот како оние кои беа во сила во Кина. До неодамна, стапките на инфекции тука беа многу ниски.
Фотографија: Tyrone Siu/REUTERS
Танцување во сопствен меур
Американскиот рок-бенд The Flaming Lips смисли начин како да организира концерти со физичка дистанца: на неодамнешниот концерт во Оклахома Сити, бендот ја замоли публиката да влезе во пластични меури кои се надувуваат. На овој начин, тие можеа да се танцуваат додека безбедно се изолирани во сопствени меури. Публиката дури можеше да го држи на раце и фронтменот Вејн Којн кој се стркала од сцената.
Фотографија: Flaming Lips/Warner Music/REUTERS
Цркви претворени во центри за вакцинација
Многу цркви во моментов се затворени поради пандемијата, па местата за богослужба се претвораат во центри за итна вакцинација- како тука во катедралата Лихфилд, во близината на Бирмингем, Англија. За разлика од земјите во ЕУ кои во моментов се соочуваат со недостиг на вакцини против Ковид-19, Велика Британија редовно се снабдува со дози.
Фотографија: Carl Recine/REUTERS
Светло на крајот од тунелот
Ејми Езат подготвува торта во форма на вакцина која треба да се дистрибуира меѓу пациентите со Ковид-19 кои се лекуваат во болницата во Каиро. Египет се бори да ја активира својата кампања за имунизација низ целата земја. Сепак, на многумина можноста да се вакцинираат против коронавирусот им дава огромно чувство на надеж.
Фотографија: Hanaa Habib/REUTERS
8 фотографии1 | 8
Во апсолутна смисла ова се застрашувачки бројки, а вирусот во одредени земји се' уште беснее. Покрај тоа, постои загриженост од трет бран поради многубројните мутации.
Но, од глобална перспектива изненадувачки е дека има тренд на олабавување. Според Светската здравствена организација (СЗО), на светско ниво бројките на заразени значително опаѓаат и тоа многу побрзо отколку што се очекуваше. Кон средината на јануари дневно се заразуваа до 700.000 луѓе, додека во меѓувреме „само“ нешто повеќе од половина од оваа бројка. И бројот на починати од Ковид-19 за еден месец се преполови.
Со сета претпазливост, генералниот секретар на СЗО, Тедрос Аданом Гебрејесус во ова опаѓање на бројките гледа „знак на надеж“: „Овој тренд е потсетување на тоа дека додека разговараме за вакцините, со соодветни и докажани здравствени мерки Ковид-19 може да се сузбие и да се контролира. Всушност, токму тоа е она што го прават многу земји.“
Зошто паѓа бројот на заразени во светот?
За значителниот пад на заразени на глобално ниво се наведуваат повеќе причини и истовремено се користат како аргумент за натамошните мерки и дејствување. Јасно е дека тоа не може да се должи само на вакцинацијата, бидејќи досега е вакциниран само мал дел од светското население.
Очигледно е дека во многу земји правилата за држење дистанца и хигиенските мерки даваат резултат. Ова пак би одело во прилог на многу бавното и постепено ублажување на строгите ограничувања за контакти.
„Вакцината е единствено решение за излез од Ковид-кризата“
15:47
Во некои земји, како САД или Бразил, во меѓувреме има толку многу заразени што напредува природната имунизација на населението. Со многу загуби во САД, ако се соберат официјалните бројки на заразени и претпоставениот број на непријавени случаи, се создава своевиден имунитет на стадо.
Освен тоа, дел од научниците се на ставот дека коронавирусот среднорочно значително ќе ослабне поради мутациите, иако тоа во моментов ни изгледа нелогично.
Кон средината на февруари американските истражувачи од универзитетите во Атланта и Пенсилванија, под раководство на биологот Џени Лавин, објавија сензационална студија во стручниот магазин „Сајенс“. Тие прогнозираат дека коронавирусот поради мутациите наскоро ќе стане „ендемски“, што значи ќе се шири само локално. Така вирусот ќе го загуби застрашувачкиот потенцијал, а глобалната кампања за вакцинирање дополнително ќе го забрза овој процес.
И пандемиите на грип исчезнуваат одеднаш
Оваа прогноза ја потврдува проценката на епидемиологот Клаус Штер, кој беше на чело на Глобалната програма за грип во СЗО и координатор на истражувањата околу САРС. Според Штер, искуствата со грипот од минатото јасно покажуваат дека и бројот на заразени би можел сосема неочекувано да опадне.
И двете разнорни пандемии, азискиот грип од 1957 година, од кој починаа четири милиони луѓе, како и хонгконгшкиот грип од 1968 година, кој однесе три милиони животи, исто така исчезнаа одеднаш и брзо како што се појавија.
Вториот бран од шпанскиот грип, кој се појави по Првата светска војна, се смета за најсмртоносен – над 50 милиони луѓе починаа помеѓу 1918 и 1920 година. Третиот бран пак исчезнал бргу, но патогенот останал. До денес вирусот Х1Н1 се појавува во ослабена форма кај нормалиот грип.
Ќе остане ли коронавирусот безопасен постојан гостин?
На среден рок, и вирусот САРС-КоВ-2 може да има сличен тек – веројатно коронавирусот ќе остане присутен и ќе се шири само локално. Ќе ослабне преку мутациите и нема да биде вака застрашувачки.
Но, додека да го достигне тој степен и додека ситуацијата не се стабилизира на глобално ниво, останува тешката борба на балансирање меѓу ограничување на контактите и можно ублажување на мерките.