Корона-кризата пресудна за падот на косовската влада
СН/агенции
26 март 2020
Судирот околу вистинската стратегија против пандемијата на коронавирусот, беше една од причините за падот владата во Приштина, која беше на власт само шест недели.
Фотографија: Getty Images/AFP/A. Nimani
Реклама
По повеќе од 11 часа расправа, Собранието на Косово ноќеска со 82 гласа „за“, 32 „против“ и еден „воздржан“ изгласа недоверба на Владата на Косово на чело со Албин Курти. Претставката за гласање на недоверба го поднесе Демократскиот сојуз на Косово (ДСК) кој беше коалициски партнер во владата.
Во неа се бараше разрешување на владата поради две прашања: неукинувањето на царините од 100 отсто на стоката од Србија и од Босна и Херцеговина без воведување „реципроцитет“, што е поврзано со наводно нарушување на односите со САД, како и поради смената на Агим Велиу од функцијата министер за внатрешни прашања и јавна управа поради расколот меѓу коалициските партнери околу вистинската стратегија за справување со коронавирусот, што се покажа како пресудно прашање за падот на владата.
Фотографија: Reuters/L. Hasani
Нив премиерот Курти ги отфрли како причини за соборување на владата и потенцираше дека зад барањето стои „готовиот договор меѓу Косово и Србија за размена на територии“. „За оваа претседателска трговија барањето е да се разреши Владата. Претседателската трговија со Владата која ја водам е невозможна. Се обиде (Хашим Тачи) да прогласи вонредна состојба, зошто не прогласи? Отиде во Белата куќа да постигне договор, зошто не го спроведе?“, рече Курти. „Со мене како премиер и со оваа влада не може да се прогласи воена состојба додека не се создаде вонредна состојба и нема договор ни во Белата, ни во Зелената, ниту во Црвената куќа за размена на територии помеѓу Косово и Србија. Затоа е потребно да се смени оваа влада, да ме заменат мене за да се отвори пат и да се прогласи вонредна состојба и истовремено таа претседателска трговија со размена на територи“, вели Курти.
Со малку креативност можете да ја претворите изолацијата во инспирација. Еве неколку идеи како да го искористите времето во карантин, и да продолжите нормално да живеете дури и затворени во четири ѕида.
Фотографија: picture-alliance/dpa/P. Schickert
Бидете креативни со конзервираната храна
Претворањето на конзервираната храна во нешто вкусно можеби бара малку магија, но сигурно не е невозможно. На пример, експериментирајте со лакса која ги прочистува синусите или пак измешајте конзерва туна со малку пченка и свеж ѓумбир за да го зајакнете вашиот имунолошки систем.
Фотографија: Miguel Medina/AFP/Getty Images
Затворената вежбална не е изговор
Имате доволно начини да ја одржите добрата форма на вашето тело дури и ако не можете да ја посетите вашата вежбална. Загрејте го телото со фитнес вежби или јога со онлајн упатства, а доколку ви е многу здодевно искористете ги и конзервите со храна во вашиот магацин за да ги развиете вашите бицепси и трицепси.
Фотографија: picture-alliance/dpa/K.-D. Gabbert
Време е за пролетно чистење
Искористете ја можноста, засукајте ги ракавите и употребете го вишокот енергија за да го светнете секое ќоше во домот. Ова може да биде најдобриот момент за расчитување на нередот. Можете дури и да ослободите место во плакарите и да зачистите во подрумот.
Целодневното гледање на ТВ серии е гарантиран начин за опуштање на умот и телото. Можеби мини-серијата „Чернобил“ и не е најдобриот избор доколку сте во мрачно расположение. Алтернативата би било нешто полесно, како „Пријатели“. Доколку секој ден потрошите 6 часа и 20 минути на оваа серија, ќе ги изгледате сите 236 епизоди за 14 дена.
Покрај сето слободно време можеби е добар момент да ја избришете прашината од некои постари игри и да се забавувате со оние со кои го споделувате карантинот. Доколку сте сами во изолација, повеќе класични игри денес имаат и онлајн верзии па можете да играте со пријателите преку интернет.
Фотографија: picture-alliance/dpa/S. Stache
Научете нешто ново
Во денешно време можете да научите речиси се онлајн. Можеби секогаш сте сакале да научите некоја нова вештина или дури и јазик. Германски можеби? На интернет ќе најдете многу можности и за бесплатно изучување јазици, па со оглед на слободното време, нема никаков изговор зошто тоа да не го сторите.
Фотографија: Colourbox
Јавете и се на бабата
Вашите роднини секогаш се жалат дека ве гледаат само за празници. Сега е добар момент да им се јавите. Иако веројатноста дека ќе заглавите на телефон 1-2 часа е голема, сепак ќе ви се израдуваат. Притоа, ќе покажете грижа и за нив и за нивното здравје во оваа тешка ситуација, особено за постарите луѓе.
Фотографија: Heike Brauer/Fotolia
Планирајте го следниот одмор
Планирањето одмор е добар начин да избегате од вашата соба, макар и само во мислите. Исполнете го денот замислувајќи си како се релаксирате на Бали или уживате во чистиот планински воздух некаде на Алпите. Само не заборавајте да си купите и патничко осигурување бидејќи никогаш не се знае кога ќе дојде следната криза.
Фотографија: picture-alliance/dpa/P. Schickert
8 фотографии1 | 8
Сите текстови, видеа и фотогалерии за коронавирусот на едно место
Во изминатите денови коалицискиот раскол кулминираше откако Курти го смени од функцијата министерот Велиу од редовите на ДСК, кој се залагаше за воведување на вонредна состојба поради корона-кризата, иако премиерот беше против тоа. Досега на Косово се регистрирани 63 заразени од вирусот, а едно лице почина од Ковид-19.
