Гутереш бара воздржаност, Москва предупредува од судир
ЕМФ /агенции
15 декември 2018
Додека од Обединетите Нации се испраќаат пораки до сите страни да бидат воздржани, од Москва доаѓаат барања за демилитаризација и распуштање на вооружените формации на косовските Албанци.
Антонио Гутереш бара воздржаностФотографија: Reuters/T. Negeri
Реклама
Генералниот секретар на ОН, Антонио Гутереш, реагираше со загриженост на одлуката на косовскиот парламент за сопствена армија. Тој ги повика „сите страни на воздржаност“. „Резолуцијата 1244 од 1999 година е единствената правна рамка за меѓународно безбедносно присуство“ на Косово, а силите на НАТО (КФОР) се задолжени за безбедност на тоа подрачје, рече Гутереш и додаде дека секакво ограничување на одговорноста на КФОР во извршувањето на безбедносната должност не би било во согласност со резолуцијата.
Советот за безбедност на ОН по барање на Србија одржа неформален состанок зад затворени врати. Српскиот претседател Александар Вучиќ вчеравечер изјави дека Србија упатила барање за итна седница на Советот за безбедност и оцени дека формирањето на Војска на Косово го загрозило мирот на Балканот. „Се прашувам врз основа на кој акт одлучија да формираат војска на Косово“, рече Вучиќ на прес-конференција, додавајќи дека добива одговор оти Косово е суверена држава, но дека нема акт врз основа на кој тоа може да се направи.
Министерството за надворешни работи на Русија исто така зборува за загрозување на мирот во регионот. Во соопштението на ова министерство се вели дека целта на одлуката за создавање косовска војска е „сериозно заострување на ситуацијата на Балканот, кое создава ризик од вооружен судир во регионот“. Москва смета дека меѓународните мисии на Косово - УНМИК и КФОР во согласност со своите мандати и резолуцијата 1244 на ОН мора под итно да ги преземат сите мерки за демилитаризација и распуштање на сите вооружени формации на косовските Албанци.
Фотографија: picture-alliance/AP Photo/V. Kryeziu
Косовскиот парламент вчера усвои три закони кои овозможуваат трансформација на Косовските сили за безбедност (КСБ) во Војска на Косово без промена на името. Премиерот Рамуш Харадинај, претседателот Хашим Тачи и спикерот Кадри Весељи им се заблагодарија на САД за „несебичната помош во сите фази за слобода и независност на Косово“. На свеченоста по повод трансформацијата на КСБ, Харадинај ги повика сите војски во регионот, како и Војската на Србија, на партнерство со Вооружените сили на Косово.
Србија и Косово: 15 погледи на „внатрешниот дијалог“
Уставот на Србија вели: „Покраината Косово и Метохија е составен дел на територијата на Србија...“ Уставната рамка главно ја игнорира политичката стварност. Уличните призори зборуваат за расположението во земјата.
Фотографија: DW/D. Dedovic
Српскиот „ѕид на плачот“
Српските граѓани веќе навикнаа на тоа зградата на парламентот да се порабува со лица на загинати и грабнати луѓе во „Вториот косовски бој“. Овој жичен ѕид е отстрануван повеќепати, но тој повторно се појавува како обвинување на сметка на Западот и албанските герилци.
Фотографија: DW/D. Dedovic
Лицата обвинуваат
Лицата на киднапирани Срби од 1989/1999 година служат како главен аргумент за обвинувања на сметка на Северноатлантскиот Сојуз и Европската Унија.
Фотографија: DW/D. Dedovic
Меѓу Косово и Крим
Моден детал со политички некоректна русофилска формула на белградската пешачка зона. Туристите од Запад радо го купуваат бизарниот сувенир.
Фотографија: DW/D. Dedovic
Руска алтернатива
Борис Тадиќ во предизборната кампања во 2008 година го ифрли слоганот „И Косово и Европа“. Овој графит одговара на очекуван начин.
Фотографија: DW/D. Dedovic
Таблоидите србуваат
Острите политички пароли на ѕидовите можеби станаа поретки затоа што сѐ повеќе врескаат насловите на таблоидните печатени производи.
Фотографија: DW/D. Dedovic
Браќата Шпанци
Шпанскиот е популарен во Белград. Не толку во училиштата за странски јазици, колку во „Немањина“ улица, во близина на Министерството за надворешни работи.
Фотографија: DW/D. Dedovic
Срце и аритмии
Додека еден белграѓанин се обидува да пронајде нешто корисно во отпадот, од ѕидот го бодри позната крилатица.
Фотографија: DW/D. Dedovic
Кој не е со нас е против нас
Фудбалскиот сојуз на Србија попусто се бунеше против одлуката на УЕФА од мај 2016-та за прием на Косово како полноправна членка. Одлуката е конечна од почетокот на 2017-та.
Фотографија: DW/D. Dedovic
ЕУ како империја
Космет всушност е кратенка (Косово и Метохија). Во зборот „Евробска“ се сокрила придавката „робска“.
Фотографија: DW/D. Dedovic
Вдахновение во премин
Плод на патриотско-поетско вдахновение на ѕидот на премин меѓу главната и една споредна улица во Лексовац.
Фотографија: DW/D. Dedovic
На КиМ со благослов
Дел од уличните призори во градовите се и повиците за обиколка на манастирите и на српските општини на Косово, со благослов на црковните власти.
Фотографија: DW/D. Dedovic
Римување, некому стравување
Опомена за српската политичка елита, доколку некој случајно помислува на некаков вид признавање на косовската независност.
Фотографија: DW/D. Dedovic
Урнатини кои опоменуваат
Своевиден споменик кој со својата наказност во градскиот пејсаж потсетува на бомбите кои во 1999 година ги испрати НАТО.
Фотографија: DW/D. Dedovic
Албанци кои се сакаат
Актерската легенда Беким Фехиу од 2010 година (кога си го одзеде животот) не е меѓу живите белграѓани, но неговата книга и натаму е хит во излозите на белградските книжарници.
Фотографија: DW/D. Dedovic
Трунка надеж
Повеќето графити на улиците сепак се тематски надвор од „внатрешниот дијалог“. Можеби најрадикалните пароли се преселени на социјалните мрежи.
