Денеска во Виена повторно ќе се сретнат делегации на Србија и на Косово со претставници на преговарачката Тројка. Според изјавата на европскиот претставник во Тројката, Волфганг Ишингер, разговорите се наоѓаат во критична фаза. Станува збор за чувствителното прашање дали Косово ќе стане независно, како што тоа го посакува раководството од Приштина или ќе остане сепак дел од Србија. За резултатите од денешната рунда преговори Ишингер ќе ја информира јавноста на попладневната прес-конференција во Виена.