Посредничката тројка на контакт групата за Косово испрати покана до министерството за надворешни работи на Србија за средба на 30 август во Виена, соопштија вчера српските медиуми. Српското министерство за Косово најави дека во Виена нема да има директни средби меѓу претставниците на Белград и Приштина, туку дека ќе се водат одвоени разговори на тројката со делегациите на двете страни. Посредничката тројка ја сочинуваат претставниците на Европската унија, САД и Русија – Волфганг Ишингер, Френк Визнер и Александар Бочан Харченко.