Косовски хакери нападнаа 40-тина српски сајтови
14 април 2013![](https://static.dw.com/image/16634536_800.webp)
Група хакери која себеси се претставува како „Kosova Warriors Group“, собори изутрината десетици српски сајтови, јавуваат медуимите во Србија. Напаѓачите преку насловните страници на нападнатите сајтови го поставиле албанското знаме и текст во кој се наведува дека „Србија, Русија, Кина и Грција тајно ја прифатиле независноста на Косово“. Во прогласот се предвидува „претопување на сегашните граници“ заради настанување на „Голема Албанија“.
На крајот на текстот се наведува „Алах е голем“ и „Поздрав од Косово“. Косовските хакери на својата фејсбук страница поставиле линк кој содржи листа со соборените српски интернет сајтови.
Меѓу нападнатите се главно интернет страниците на српски уметници и нивни здруженија, но и сајтот www.mitropolija.com . Нападнат е и сајтот на Здружението на стрип уметници на Србија usus.org.rs, сајтот за фантастичка книжевност Art-Anima.com и.т.н.