Интересот на Македонците за студирање во Германија не е мал. Не е мала ниту желбата на оние кои се веќе студенти на германските високообразовни институции да останат да работат во Германија. Таква цел има и Ања Коцевска.
Фотографија: DW/M. Sevrieva
Реклама
Официјалните статистики велат дека по бројност македонските студенти во Германија се претпоследни од балканските држави. Но, интересот на македонските студенти за образување на германските високообразовни институции, сепак, не е мал. Во учебната 2017/18 година, според Сојузниот завод за статистика во Визбаден, во Германија студирале 1.174 македонски студенти.
Од нив, Две третини се на дипломски студии, 179 на постдипломски студии, 58 на докторски студии, а другите на стручни високи школи.
Фотографија: DW/M. Sevrieva
И Ања Коцевска наесен ќе ги започне студиите по дизајн на интеракција на универзитет во Берлин. И покрај трите одбивања, Ања не се откажала:
„Оваа апликација, последна што ја правев, ја направив, мислам, совршено. Буквално од почеток до крај ја работев сосема навреме, не споделував додека не биде, и бев сконцентрирана на точните документации и документи што се потребни за да не направам пак грешка."
Ања Коцевска ќе студира во БерлинФотографија: DW/M. Sevrieva
За сознанијата на Ања, како и за интересот за стипендии за студии во Германија, но и обврската за некои студенти потоа да се вратат на работа во татковината, во видеото:
Кој (не)сака да студира во Германија?
01:43
This browser does not support the video element.
Македонија- земја на иселеници
Илјадници луѓе секоја година си заминуваат од Македонија во потрага по подобар живот низ земјите на Западна Европа, северна Америка или Австралија. Традицијата не е нова, но во последниве години трендот е растечки.
Фотографија: picture-alliance/dpa/H. Battefeld
Масовно иселување
Според податоците на Светска банка, од прогласувањето на независноста до 2010 година од Македонија се иселиле над 440 илјади луѓе. Трендот последниве години повторно се засилува. Проценките се дека во последниве 5 години, најмалку по 20 илјади луѓе годишно ја напуштаат земјата.
Фотографија: picture alliance/AP Photo/N. Denette
Охрид – неславен рекордер
Во Охрид – градот рекордер по бројот на иселувања во Македонија, неславно рекордна е 2012 година, кога заминале 983 лица. Од Охрид за 11 години се иселени 7860 лица, или по две лица дневно. Најчесто се иселуваат младите.
Фотографија: picture alliance/landov/Z. Yi
Бесперспективност
Според податоците на Светска банка објавени неодамна, невработеноста кај младите во Македонија изнесува 50,08%, додека најновиот извештај на Евростат покажува дека речиси 40% од младите немаат работа, ниту се вклучени во процес на образование. Ваквите состојби поттикнуваат голем дел од нив својата иднина да ја гледаат надвор од државата.
Фотографија: DW/E. Milosevska
Правец Германија
Само во 2015 година, над 24 илјади македонски државјани ја напуштиле својата татковина во потрага по подобар живот во Германија. Од нив, 12 илјади останале. Бројката на македонски доселеници во Германија се приближува до рекордни 100 илјади.
Фотографија: Fotolia/clabert
Sprechen Sie Deutsch?
Според анкети спроведени во регионот и во земјата, германски јазик во Македонија во моментов учат околу 63.500 луѓе. За студирање во Германија потребно е познавање на германски јазик, кое се проверува преку специјални испити ТестДаФ и ДСХ. ТестДаФ се организира во 90 земји, меѓу кои е и Македонија. Но, може да се учи и во Германија.
Фотографија: picture-alliance/dpa/W. Kastl
Јагма за работни визи
Според податоците на ОЕЦД над 17 илјади луѓе од земјите на Западниот Балкан во првата половина од годинава добиле работни визи во Германија. На Македонија отпаѓа над 10 проценти од вкупната бројка. Германските власти им издале точно 1.841 работни дозволи на македонски државјани во првите шест месеци од годинава.
Фотографија: AP
Бугарски пасош
Илјадници Македонци во меѓувреме побараа и добија бугарски пасош, во обид полесно да заминат во некоја од западноевропска земја. Нивниот точен број не е познат, но според неодамнешното истражување на Призма, само во последните 10 години, 57 илјади Македонци земале пасош од источниот сосед. Се проценува дека вкупната бројка надминува 100 илјади луѓе.
