Кренати рампите на „Богородица“, пожарот под контрола
ДТЗ
3 август 2021
Борбата со пламените јазици траела четири часа. Пожарот ја зафатил граничната караулата на АРМ, каде било опожарено едно полициско возило.
Фотографија: Petr Stojanovski
Реклама
Поради пожарот што попладнево избувна на потегот меѓу месноста Милци и Граничниот премин „Богородица”, сообраќајот на овој граничен премин беше во прекин неколку часа и возилата беа пренасочувани на граничниот премин „Дојран”, информираат од АМСМ. л кон границата со Грција. Од грчка страна, пожарот го гаснеле пожарникари од Поликастро.
Вечерва нешто по 20:00 часот граничниот премин „Богородица“, повторно беше отворен за сообраќај откако пожарот бил локализиран и ставен под
контрола од страна на пожарникарите од Гевгелија и вработени во ЈП „Комуналец“, кои со помош од воени хеликоптери успеаа да ги скротат пламените јазици и да ги спасат од поголема опасност објектите на потегот кон ГП „Богородица“.
Огнениот пекол и пустошот потоа
Шумски пожари продолжуваат да избувнуваат и да горат ширум земјата, додека македонските граѓани се соочени со страшните искуства и апокалиптичните сцени по пеколната ноќ во Кочани и регионот.
Фотографија: Arbnora Memeti
Непроспиена ноќ
Жителите на Кочани и на околината преживеаја ноќ на хорор, откако пожарот кој избувна во попладневните часови на 2. август во близина на градот, поттикнат од ветерот се приближуваше кон градот и другите населени места.
Фотографија: Arbnora Memeti
Закана за Кочани
„Пеколот се спушти на земјата“ Вака очевидци за македонските медиуми ги опишаа моментите додека пламените јазици му се закануваа на градот. Десетици луѓе побарале лекарска помош поради задушување, но нема луѓе со сериозни повреди, ниту загинати.
Фотографија: Fatos Musliu/DW
Битка против пламените јазици
Битката со огнената стихија траеше со часови, а стотици мештани им се приклучија на пожарникарите со „голи раце“ учествуваа во напорите за локализирање на пожарот.
Фотографија: Arbnora Memeti
Сам среде огнениот пекол
Ваквите херојски ангажмани на бројни луѓе вклучени во битката со стихијата, придонесоа за локализирање на пожарот и спречување на жртви и поголеми материјални штети.
Фотографија: Arbnora Memeti
Армијата на помош
Најголем дел од фотографиите во оваа галерија се направени во село Тркање, Кочанско. Во ова место вчера беше најкритично, селаните заедно со војската патуваа два часа пешки за да се качат во планина, немаше пристап за да се стигне со моторно возило.
Фотографија: Arbnora Memeti
Трагите на уништувањето
Иако поголеми материјални штети беа спречени, сепак пожарот остави зад себе апокалиптични сцени во Кочани... Уништени куќи...
Фотографија: Arbnora Memeti
Трагите на уништувањето
...Изгорени возила
Фотографија: Arbnora Memeti
Трагите на уништувањето
пеплосани борови шуми и животни...
Фотографија: Arbnora Memeti
Каде се ер тракторите?
По пожарот во Кочани, но и поради другите активни пожари во земјата се поставува прашањето на одговорноста. Имено С.Македонија има ер трактори ( како овие на фотографијата направена во Турција) за гаснење пожари, кои меѓутоа не се во функција, зашто не се сервисирани. Пожарникарите имаат возила, ама некои од нив дотраени и со работен век од 30-тина години...
Од Општина Гевгелија информираат дека борбата со пламените јазици траела четири часа. Огнот го зафатил шумскиот појас крај македонско-грчката граница, но за среќа е ставен под контрола. „Зафатена е огромна површина борова шума, а поради ветрот истиот се прошири до грчката територија, зафаќајќи ја и граничната караулата на АРМ, каде опожарено е едно полициско возило“, велат од Општина Гевгелија.
За среќа, велат од Општината, избегната е поголема катастрофа и пожарот не ги зафати граничниот премин, хотелите „Фламинго“ и „Принцес“, но и двете бензински пумпи „Шимов“ и „Окта“.
