Еколошките организации остро го критикуваат компромисот за борбата против климатските промени кој го постигнаа лидерите на Г8 на самитот во Хајлигендам. Експертите сметаат дека договорот за суштинско намалување на ефектот на глобалното затоплување, без да се наведат конкретни бројки и цели е недоволен. Партијата на Зелените во Германија ја обвини канцеларката Ангела Меркел дека отстапила од нејзините првични барања и желбата на мнозинството земји од ЕУ за борбата против климатските промени.